اسلام آباد ۔ 22 جون (اے پی پی) د خارجه چارو وفاقي پارلماني سېكرټري عندليب عباس وئيلې دي نواز شريف او آصف زرداري په خپل خپل دور كښې د هېواد بېړۍ چپه كړې وه۔ هېواد كښې د روغتيا آسانۍ د ټولو په وړاندې دي۔ مونږ د کووېډ۔ 19 نه وروستو هېواد كښې د وېنټي لېټرز شمېره 1600 نه 6000 ته رسولې ۔ نن بهرنۍ ميډيا هم زمونږ د بجټ ستائنه كوي۔ د ګل په ورځ قومي اسمبلۍ كښې د پاكستان تحريك انصاف غړې او د خارجه چارو پارلماني سېكرټري عندليب عباس په بجټ بحث كښې ووئيل د بشري پرمختګ نه غېر پرمختګ نه بلكې تنزل وي۔ دې ووئيل نواز شريف پاكستان د روغتيا په نړيوال رېنكنګ كښې 152 م پوزيشن ته رسولے۔ حال دا دے چې هغوي درې وارې مركز او 35 كاله پنجاب كښې حكمرانان پاتي شوي۔ دې ووئيل په كال 2017ﺀ كښې د مور او بچي روغتيا په اړه مونږ تر ټولو په ټيټه درجه وو۔ د نواز شریف په دور كښې به مېندې او كوچنيان مړه كېدل او دوي پخپله خپلې درملنې بهر څخه كوي۔ دې ووئېل موجودہ حکومت اټک’ ملتان’ مغربی’ شمالی او جنوبی پنجاب كښې د مور او بچي صحت له 5 غوره روغتونونه جوړ كړي۔ دغې حكرانانو په 35 كلونو كښې 16 سوه وېنټی لېټر روغتونونو له وركړي ولې مونږ د 6 زره نه زيات وېنټي لېټرز وركړل ۔ په 28 زره مهمو خالي چوكو د ډاكټرانو او نرسانو بھرتۍ شوي ۔ دې ووئېل موجودہ حکومت عليم لپاره زيات بجټ بېل كړے ۔ دې ووئيل مونږ ته معيشت په آئي سي يو كښې پاتې ؤ ۔ دې ووئيل د كورونا باوجود زمونږ معيشت مخ په ښه كدېو دے۔ دې ووئيل وزيراعظم عمران خان يوه هم ذاتي دوره نه ده كړې۔ منی لانډرنګ او ټېرر فنانس لپاره پخوانو حكومتونو هېڅ كار نه دے كړے۔ مونږ پاكستان فنانشل اېكشن ټاسك فورس څخه بچ كړے۔ عندلیب عباس ووئيل د احساس پروګرام ستائنه نړيوال بېنك او نورو نړيوالو ادارو كړې۔۔ مسلم لیګ (ن) او پی پی پی خپلې ادارې د خسارې سره مخ كړي۔ پی آئی اے كښې جعلي ډګرۍ لرونكي پائيلوټان بھرتي كړې شوي۔ شاهد خاقان عباسی وئيلي وو پي آئي اے واخلۍ او سټيل ملز وېړيا ترلاسه كړې
