اسلام آباد ۔ 26 جون (اے پی پی) صدر مملکت ډاكټر عارف علوی تر ورچوئل پوهنتون رسنه زياتولو او د ګلوبل ماركيټنګ لپاره د 5 كلنې منصوبې جوړولو سپارښاتنې كولو سره وئيلي دي د كورونا وبا تر مخه ورچوئل پوهنتون د نوې انفارمېشن او کمیونیکېشن ټېکنالوجۍ د لارې تر زده كړو رسنه كښې مهم كردار ترسره كولے شي۔ د دې خيالاتو څرګندونه ده د جمعې په ورځ ايوان صدر كښې د ورچوئل پوهنتون په اړه د يوې غونډې مشرۍ كولو په مهال وكړه۔ غونډه كښې د انفارمېشن ټېكنالوجۍ سېكرټري شعېب احمد صدیقی، د صدر سېكرټري طارق نجیب نجمی، د ورچوئل پوهنتون لنډ مهاله رېکټر نعیم طارق او د فېكلټۍ غړو ګډون كولو۔ لند مهاله رېكټر صدر ته هېواد كښې د زده كړو وده كښې د پوهنتون كردار په اړه بريفنګ وركړو۔ ده ووئيل ورچوئل پوهنتون د انفارمېشن او کمیونیکېشن ټېکنالوجی د لارې زده كوؤنكو ته ارزانې زده كړې وركوي۔ صدر مملکت د زده كړو وده كښې د پوهنتون د كردار ستائنه كولو سره ووئيل د کورونا وائرس په تناظر كښې د فاصلاتي تعليم اهميت ډېر زيات دے۔ ده ووئيل دې صورتحال كښې اي لرننګ پوهنتونونو ته بلها موقعې ترلاسه شوي او دې څخه استفادې كولو له ورچوئل پوهنتون انتظاميه بايد ګامونه پورته كړي۔ ده په دې خبره زور راوړو د نوې تګلارې د لارې دې تر لوړو زده كړو رسنه زياته كړے شي دغسې چې پاكستان د زده كړو په څانګه كښې مخ په وړاندې لاړ شي
