اسلام آباد 17 جولائي (اے پي پي) صدر ډاكټر عارف علوي وئيلي دي كه د كورونا وبا په ضد په ضابطه كار په رښتيني ډول عمل وكړے شي نو په نتيجه كښې ئې رياست، حكومت او اولس چارې په ښه ډول روانې ساتلې شي. د جمعې په ورځ په خپل يو ټويټ ده ووئيل د حكومت او د شيعه علماﺀ كرامو ترمېنځه د محرم الحرام په موقع د كورونا نه بچ كېدو لپاره د اتفاق څخه څرګندېږي چې هر ډول ډول مكاتب فكر علماﺀ كرام په قومي چارو متحد دي. ده ووئيل د محرم الحرام په مهال به ماتمي جلوسونه ٬ مجالس او اجتماعات د اېس او پيز تر مخه كولے شي. صدر ووئيل د رمضان المبارك په مهال په جوماتونو او د تراويح مونځ په مهال چې په كوم ډول په ضابطه كار عمل شوے هم هغسې د محرم الحرام په مهال په احتياطي تدابيرو په اتفاق پېدا كولو د وفاقي وزيرانو، د آزاد جمو كشمير اولس مشر، صوبائي ګورنرانو او د شېعه علماﺀ كرامو مننه كوو
