اسلام آباد 06 اګست (اے پي پي) د قامي اسمبلۍ سپيكر اسد قېصر او د افغان اولسي جرګې مشر مير رحمان رحماني ترمېنځه د زيارت په ورځ د وېډيو لنك د لارې خبرې اترې شوې۔ د وېډيو لنك دلارې د خبرو اترو په مهال د دواړو هېوادونو ترمېنځه د شريكو رابطو قوي كولو پشمول په دوه اړخيزه اړيكو او سيمه ايز صورتحال د خيالاتو څرګندونه شوې۔ په دې موقع دواړو مشرانو يو بل له د لوي اختر مباركي هم وركړه۔ اسد قېصر ووئيل پاکستان افغانستان سره خپلو اړيكو ته ډېر اهميت وركوي۔ ده ووئيل امن٬ پرمختګ او سوكالي د دواړو ګاٶنډي هېوادونو شريكه اېجنډا وه٬ پاکستان منطقه كښې او په سيمه ايزه كچه امن كښې خوښي لري۔ ده ووئيل منطقه كښې پرمختګ او سوكالۍ لپاره هڅې كوٶ۔ دواړه مشران سيمه ايز پرمختګ او سوكالۍ لپاره د هلو ځلو په ګړندي كولو او نورو څانګو كښې د مرستې ودې لپاره د خاص کمېټو جوړولو ته صلاح شول۔ اسد قېصر د اولسي جرګې مشر ته د پارلماني پلاوي سره د پاكستان دورې بلنه وركړه او وئي وئيل چې پارلماني فرېنډ شپ ډلې د دواړو هېوادونو يو بل ته نزدې كولو كښې اهم كردار لوبولې شي۔ مير رحمان رحماني ووئيل پاك افغان تجارت كښې د رامخې ته خنډانو لرې كولو لپاره د اسد قېصر دلچسپي د ستائنې وړ ده۔ ده ووئيل د ورور هېواد پاكستان دورې بلنه د اعزاز خبره ده او ډېر زره به پلاوي سره د پاكستان دوره كوم۔ مير رحمان رحماني ووئيل په افغانستان كښې امن او سماجي پرمختګ لپاره د پاكستان هڅې د ستائنې وړ دي۔ ده ووئيل په اولسي او تجارتي كچه رابطو ته وده وركولو سره دوه اړخيزه اړيكې لا مستحكم كېدې شي
