اسلام آباد ۔ 31 اګست(اے پی پی) ګرد هېواد كښې د عاشورې ورځ 10 محرم الحرام مذهبي عقيدت او احترام سره لمانځلې شي چې مقصد ئې د امام حسېن (رض) او د هغه د ملګرو سترو قربانيو ته د عقيدت پېرزوئينې وړاندې كول دي۔ د هېواد په ټولو ښارونو او كليو كښې د عزادارۍ جلوسونه ويستلې شي۔ كورونا وائرس څخه ځان ساتلو له د علماﺀ كرامو په مرسته دې جلوسونو لپاره قاعدې او ضابطې هم جاري كړې شوي دي۔ علماﺀ كرام او مشائخ خپلو تقريرونو كښې د حضرت امام حسېن (رض) په تعليماتو او د كربلا پېښې په بېلو اړخونو رڼا اچوي۔ د عزادار جلوسونو په مهال د كومې ناوړه پېښې نه بچ كېدو له د امنيت سخت انتظامات شوي دي او د جلوسونو په لارو كښې د سی سی ټی وی کېمرو سره سره ددې جلوسونو فضائي نګراني هم كولې شي۔ د هېواد په لويو وړو ښارونو او كليو كښې د عزادارۍ جلوسونو امنيت له پوليس او پوځ سره سره د قانون نافذ كوؤنكو ادارو لوئے شمېر اهلكار تعينات كړے شوي دي۔
