نيويارك 20 ستمبر (اے پي پي) نړيوال مالياتي فنډ ﴿آئي اېم اېف﴾ په ترسيلات زر كښې اضافې لپاره د پاكستان هڅې ستائيلې دي او وئيلي ئې دي چې حكومتونو ته په دې لړ كښې د پاكستان په شان د اقداماتو كولو ضرورت دے. دا خبره د نړيوال مالياتي فنډ د جائزه څانګې ډپټي يونټ چيف ډاكټر رونالدګان ګني او د څانګې اكانومسټ سعد قيوم په خپل شريك آرټيكل كښې ليكلې.دوي ليكلي دي چې كووېډ 19 هغه ټول هېوادونه ځپلي دي په كومو چې سمندر پورې وګړي د ترسيلات زر انحصار كوي. په بهرنيو هېوادونو كښې د پاتې كېدونكو كاركنانو په روزګار آغېز شوے، په دې كښې زياتره په كوربه هېوادونو كښې د سماجي تحفظ او د مرستې حق نه لري ځكه چې د دوي د وېزو نوعيت لنډې مودې لپاره وي. يو شمېر هېوادونو د وبا په تناظر كښې د امېګرېشن قوانين سخت كړي دي چې ورسره د مېلمه كاركنانو پرېشانې نورې هم سوا شوې دي. دوي په ترسيلات زر كښې اضافې لپاره د پاكستان د اقداماتو ستائنه كړې او وئيلي ئې دي چې بايد نور هېوادونه هم د پاكستان پېروي وكړي.
