اسلام آباد۔7 اکتوبر (اے پی پی) د جاپان حكومت خيبر پختونخوا كښې د ښوونځىو بنيادي اډانې لپاره يو اېن هيبى ټاټ له د 471 ملين جاپاني ين په وركولو رضامندي ښكاره كړې ۔ په دې لړ كښې پاكستان كښی د جاپان سفير مټسوډا كونينوري او اېشيا بحر الكاهل لپاره د يو اېن هېبي ټاټ نمائنده كوري ساوا اېتسيوشي لوظنامه لاس ليك كړې ۔ د جاپان حكومت لخوا به كے پي كے كښې د قدرتي آفتونو د لاسه د ځپلے شوو ښوونځو بنيادي اډانې بهترۍ او پرمختګ له 471 ملین ین وركوي چې ورسره به زده كوؤنكو او استاذانو لپاره د زده كړې محفوظ او مستحكم چاپېرچل باوري شي۔ د جاپان لخوا وركړې كېدونكې دا فنډ به د يو اېن هېبي ټاټ په نګرانۍ كښې مصرف كولے شي۔ د دې په مرسته به د 150 ځپلے شوو ښوونځيو بيا رغونې سره سره په ځپلو سيمو كښې 12 نوو ښوونځي هم جوړولې شي۔ په د مهال خپلو خبرو كښې د جاپان سفير مټسوډا كونينوري ووئيل دې منصوبې سره به نه يوازې د قدرتي آفتونو د لاسه د ځپلو شوو ښوونځيو بحالۍ له مرسته ترلاسه شي بلكې د خيبر پختونخوا سيمو كښې د زده كړو هلې ځلې به وده هم وكړي او د آفات مقابلې كولو له به د سيمو صلاحيت هم زيات شي۔ هغه ووئيل د آفاتو مخنيوي له د وخت نه وړاندې تياري ډېر مهم دے۔ هغه د دې لوظ پخلے وكړو چې پاكستان كښې د قدرتي آفتونو مخنيوي ادارو د كار استعداد زياتولو او د زده كړو آسانيو ته وده وركولو له د جاپان لخوا مرسته روانه ساتلې شي
