اسلام آباد 02 فروري (اے پي پي) د قومي اسمبلۍ سپيكر اسد قېصر د پارلمان د غړو د تنخاګانو د اضافې بل غېر مناسب ګرځولو سره وئيلي دي چې هېواد لا د معاشي بحران نه پوره نه دې وتلې، د هېواد د معيشت په بهتر كولو كښې به وخت لګي. د اتوار په ورځ د پارلمان د غړو په تنخاګانو كښې د اضافې په غوښتنه د قومي اسمبلۍ سپيكر په خپل غبرګون كښې ووئيل چې د وزيراعظم عمران خان د وژن له مخې هېواد د معاشي بحران نه ويستلو لپاره حكومت په كفايت شعارې عمل كوي. د وزيراعظم په هڅو هېواد د معاشي بحران نه وځي، په اوسنيو حالاتو كښې د تنخاګانو اضافې سره به د هېواد په خزانه لوي بوج راشي.ده ووئيل چې د پارلمان د غړو په تنخاګانو كښې اضافې لپاره دا وخت مناسب نه دے. ده د اضافې بل غېر مناسب وګرځولو. ده ووئيل چې د پارلمان د غړو په تنخاګانو كښې د اضافې غوښتنه دې هغه وخت وكړې شي كله چې د هېواد خزانه دا بوج زغملې شي.
