اسلام آباد 16 فروري (اے پي پي) خارجه وزير شاه محمود قريشي وئيلي دي چې سيد علي ګېلاني د همت، حوصلې او د خپلواكې د حق د نظرئې علامت جوړ شوے، پاكستانيان او كشميريان چې په نړۍ كښې چرته هم دي، هغه ستاسو روغتيا لپاره دعا كوي. د اتوار په ورځ د حريت لارښود سيد علي ګېلاني د روغتيا په اړه خارجه وزير په وېډيو پېغام كښې ووئيل چې نن زه د كروړونو پاكستانيانو نمائندګي كولو سره د سيد علي ګېلاني روغتيا لپاره دعا كوم. زمونږ دعا ده چې لوي څښتن دې تاسو سلامت لري. ده ووئيل چې سيد علي ګېلاني د همت، حوصلې او د خپلواكې د حق د نظرئې علامت جوړ شوے، پاكستانيان او كشميريان چې په نړۍ كښې چرته هم دي، هغه ستاسو روغتيا لپاره دعا كوي. ده ووئيل چې د پاكستان اولس كشميريانو سره ولاړ دے او مونږ ايمان لرو چې د دوي قربانې به رنګ راوړي او د هندوستان نه به آزادي ترلاسه كېږي.
