اسلام آباد 19 فروري (اے پي پي) د وزيراعظم سمندر پورې پاكستانيانو لپاره خاص مرستيال سيد ذوالفقار عباس بخاري وئيلي دي تر اوسه د وائرس تشخيص نه دې شوې٬ مونږ غواړو چي د پاكستانيو زده كوٶنكو ستونزې كمې كړو٬ يو شمېر هېوادونه د دې مسئلې حل لپاره هڅې كوي۔ ده دا خبرې د شورو په ورځ په او پي اېف کالج كښې د ډاكټر مرزا لخوا چين كښې د ايسارو زده كوٶنكو مور او پلار ته د بريفنګ په مهال كړې۔ ده ووئيل يو شمېر هېوادونه د مسئلې حل لپاره هڅې كوي خو څوك كامياب شوې نه دي٬ ده ووئيل په چين كښې زمونږ زده كوٶنكي محفوظ دي۔ ده ووئيل د سفارت نه دوه كسانو له ووهان ته د تګ اجازه ترلاسه شوې څوك چې هلته زده كوٶنكو ته د وركړې شوو سهوليات جاج اخلي۔ ده ووئيل پاكستان يوازنې هېواد دے چې دا اقدام ئې پورته كړې ۔ ده ووئيل دا زياته ضروري ده چې د دغه زده كوٶنكو د مور او پلار د پوښتنو ځوابونه وركړې شي او مونږ هم دې لپاره راغلې يو چې ستاسو ستونزې لرې كړو او د زده كوٶنكو پحقله د حكومت منصوبې څخه تاسو خبر كړو۔ ده ووئيل كله چې زمونږ د چين سفير سره خبره وشوه نو ھغوي ووئيل پاكستان يوازنې هېواد دے څوك چې ووهان ته تلل غواړي
