اسلام آباد 18 جون (اے پي پي) د وزيراعظم د اطلاعات او خپرونو خاص مرستيال او د سي پېك اتهارټۍ چيئرمېن عاصم سليم باجوه وئيلي دي د سي پېك پروژو سره به د معاشي پرمختګ نوے دور پېل شي، په فېز ټو كښې به د رېلوے بنيادي ډهانچې ته پرمختګ وركولے شي، د چين شپږو كمپنيو سره د پاكستان نورې لوظنامې شوي ، په اېچ اېم سي كښې به نوره سرمايه كارې كولې شي، وزيراعظم عمران خان د وړاندې نه د سي پېك د هرې يوې پروژې ترسره كولو سپارښتنه كړي ده ۔ ده دا خبرې په هېوي مېكينكل كمپلېكس ټېكسلا كښې دستورې ته خپله وېنا كښې وكړې. د سي پېك اتهارټۍ چيئرمېن عاصم سليم باجوه ووئيل د لوظنامې په نتيجه كښې به صنعتونه وده وكړي، د سي پېك پروژو په نتيجه كښې به د معاشي پرمختګ نوے دور پېل شي. دا پروژې به پاكستاني اولس ته د پرمختګ موقعې وركړي۔ ده ووئيل د سي پېك د دوهم پړاٶ له مخې به د رېلوے نوې پټلۍ غزولې شي. په حوېلو كښې به ډرائي پورټ جوړولے شي
