اسلام آباد 07 جولائی (اے پی پی) قامی اسمبلۍ كښې د حزب اختلاف ډلې مشر شهباز شریف وئيلي دي میډیا د ریاست څلورمه او وقار لرونكې ستن ده، د قامی اسمبلۍ سپيكر دې د اظهار رائے آزادي باوري كولو لپاره خپل كردار ترسره كړي او په دې لړ كښې دې قانون سازی او قوائد جوړولو لپاره پارلمانی كمیټی جوړه كړي۔ د نهې په ورځ د قامی اسمبلۍ سپيكر اسد قیصر ته ليږلې خپل خط كښې ده ووئيل چینل 24 بنديدو سره ګڼ وګړي بې روزګاره شوي۔ ده ځينې نور مثالونه وركولو سره ووئيل میډیا د جمهوریت څلورمه ستن ګڼلې كيږي۔ د پاكستان په دستور كښې د رايو څرګندونې آزادي او تر اطلاعات رسنه يو بنيادي حق ګڼلے شوے۔ دا دستوری ضمانت د 18م بدلون د لارې نور هم قوي شوے۔ ده ووئيل د اپوزیشن نمائندګۍ كولو سره غوښتنه كوم چې چینل 24 بحال او میر شكیل رحمن راخوشې كوړے شي او د ميډيا نورو چارو حل كولو لپاره دې قانون سازۍ له يوه پارلماني كميټي جوړه كړې شي كومه به چې د دې ټولو چارو جاج اخلي ‘ كمیټی به د میډیا نمائندګانو ګيلې اوريدلو سره اصلاح لپاره تجاویز وركوي په كومه به چې د پارلمان د لارې حكومت څخه عمل درآمد كولے شي
