اسلام آباد ۔ 27 جولائی (اے پی پی) سېنېټ سيد علي شاه ګېلاني ته د هغه د خذماتو په اعتراف د پاكستان تر ټولو لوي سول اعزاز ‘نشان پاکستان’ وركولو او پاكستان یونیورسټی آف انجینئرنګ اینډ ایمرجنګ ټیکنالوجیز د هغه په نامه د موسوم كولو قرارداد په يوه خله منظور كړے دے ۔ د ګل په ورځ د سېنېټ غونډه كښې سېنېټر سراج الحق قرارداد وړاندې كړو چې دا غونډه د مقبوضه كشمير اولس خپلواكۍ حق له د سيد علي شاه ګېلاني د ځانګړو قربانيو ستائنه كوي۔ د هغه د عزم ٬حوصلې او د لارښودنې د صلاحيتونو اعتراف كوي او مقبوضه كشمير كښې د بشري حقونو خلاف ورزۍ او د هند د ظلم او زياتي ګامونه په ډاګه كولو كښې د هغه كردار تسليموي۔ د 90 كالو په عمر كښې نازك طبي حالت كښې په كور د نظر بند پاتې كېدو په پېښه اندېښنه ښكاره كوي او د پاكستان حكومت نه دا غوښتنه كوي چې اسلام آباد كښې وزيراعظم هاؤس ته نزدې پاکستان یونیورسټی آف انجینئرنګ اېنډ اېمرجنګ ټیکنالوجی له دې د سید علی شاہ ګیلانی یونیورسټی آف انجینئرنګ اینډ ایمرجنګ ټیکنالوجی نامه وركړے شي۔ دغسې هغه له دے د كشمير منصفانه حل او په نړيواله كچه د خپلواكۍ منلي حق ترلاسه كولو له د هغه د اوږدې مودې خذماتو او قربانيو په اعتراف تر ټولو لوي سول ایوارډ ‘نشان پاکستان’ وركړے شي۔ د سید علی شاہ ګیلانی ژوند او هڅې دې په وفاقي او صوبائي كچه تعليمي نصاب كښې شاملې كړې شي او سید علی شاہ ګیلانی له دې د هغه د خوښې په ځائې كښې طبي اسانۍ وركولو له نړيوال ضمير بېدار كړے شي۔ دغسې د قرارداد غونډې په يوه خله منظوري وركړه
