اسلام آباد ۔ 26 ستمبر (اے پی پی) د خارجه دفتر وياند زاهد حفيظ وئيلي دي وزيراعظم عمران خان د ملګرو ملتونو د عمومي اسمبلۍ 75 مې غونډې ته خپله وینا كښې د مهمو نړیوالو او سیمه ایزو مسئلو په اړه د پاکستان دریځ په کلکه ، جرات٬ تدبر او دقت سره څرګند کړو. وزيراعظم عمران د مدينې رياست په ډول د نوي پاكستان جوړولو د خپل حكومت ويژن څرګند كړو۔ د خالي په ورځ د خارجه دفتر لخوا جاري كړې شوي بيان كښی وياند ووئيل وزیراعظم د كشمير مسئله په بشپړه ډول وړاندې كړه۔ ده د هندي جارحيت او رياستي ترهګرۍ غندنه كولو سره د كشميريانو د حقونو او دوئي ته د رائې كارولو حق وركولو لوظ پاللو په حاجت زور راوړو۔ ده ووئيل وزيراعظم د فلسطين په مسئله ٬ افغان عمل ٬ اسلاموفوبيا ٬ كورونا ٬ د سرمايې په غېر قانوني ډول د منتقل كولو په اثراتو او ددې په حل ښكاره خبره وكړه۔ د بهرنیو چارو وزارت ویاند ووئیل چې وزيراعظم عمران خان په مهمو مسئلو لکه د ماحولياتي بدلون ٬ سلامتي كونسل كښې د اصلاحاتو او د نړیوالې سولې او امنیت په اړه د پاکستان دریځ په ګوته کړو. هغه ووئیل چې وزیراعظم عمران خان د نړيوالو او سيمه ايزو مسئلو په اړه د پاكستان لخوا كوټلي وړاندېزونه نړيوالو لارښودو ته وړاندې كړل۔ هغه ووئيل وزيراعظم د جمو و کشمیر لانجې په اړه د هند غیرقانوني یو طرفه اقدامات او رياستي ترهګري سيمه ايز امن او سلامتيا لپاره خطره وګرځوله۔ وزيراعظم عمران خان په نړيواله ورورولۍ زور راوړو چې د ملګرو ملتونو د سلامتي كونسل د پرېکړو په رڼا كښې د دې اوږدې مودې مسئلې حل لپاره اقدامات وکړي. ده هند ته د كشمير مسئلې منصفانه حل پلو د تلو مشوره وركړه۔ وزيراعظم له هند څخه غوښتنه وکړه چې په سمدستي توګه د هند تر واک لاندې جمو او کشمیر كښې روانه غیر قانوني پوځي محاصره پای ته ورسوي. د خارجه دفتر وياند ووئيل وزیراعظم په هند زور راوړو چې هغه دې جموں وكشمير كښې د بې ګناه وګړو شهيد كولو لړۍ په سمدستي توګه بنده كړي۔ هند دې كشميري لارښود او ځوانان خوشې كړي۔ د ابلاغ په ذريعو لګېدلې بندېزونو ختمولو سره سره دې د بشري حقونو احترام باوري كړي۔ ده ووئيل د كشمير مسئلې حل كېدو نه غېر تل پاتې امن او سلامتيا ناممكنه ده۔ وياند ووئيل وزيراعظم په دې خبره زور راوړو چې د ملګرو ملتونو د سلامتي كونسل قراردادونو له مخې دې د كشمير مسئله حل كړې شي۔ وزيراعظم هند كښې په اقليتونو او په خاص توګه په مسلمانانو د روانو ظلمونو سخته غندنه وكړه۔ ده د هندتوا انتها خوښې نظرياتو په اړه نړۍ خبر كړه۔ د فلسطين مسئلې په اړه يو وارې بيا وزيراعظم د پاكستان اصولي دريځ په ډاګه كړو۔ خارجه وزير افغانستان كښې په روان امن عمل خبره كولو سره د پاكستان كردار رامخې ته كړو او د امن عمل تر زر تر زره پايې ته د رسېدو په حاجت ئې زور راوړو۔ د اسلامو فوبیا زياتېدونكي رجحان مخنيوي له وزيراعظم په نړيواله كچه د قانون سازۍ كولو وړاندېز وركړو۔
