اسلام آباد۔17اپریل (اے پی پی): وزیر اعظم شہباز شریف نال بلوچستان نیشنل پارٹی دے سربراہ اختر مینگل ،بلوچستان عوامی پارٹی دے پارلیمانی لیڈر خالد مگسی دی ملاقات کیتی اے ، وزیراعظم آفس میڈیا ونگ توں اتوار کوں جاری بیان موجب ایں موقع تے انہاں وزیراعظم شہباز شریف کوں وزارت عظمیٰ دا منصب سنبھالݨ تے مبارخ ݙتی تے ملک دی سماجی و اقتصادی ترقی کیتے وفاقی حکومت دے رلے کم کرݨ دے عزم دا اظہار کیتے ۔ ملاقات اچ وزیراعظم شہباز شریف ملک اچ جمہوریت دے استحکام تے عوامی فلاح و بہبود کیتے ھک مٹھ تھی تے کم کرݨ دے عزم تے اختر مینگل، خالد مگسی اتے انہاں دے رفقا دا شکریہ ادا کیتا۔ ایں موقع تے مسلم لیگ (ن)دے ارکان قومی اسمبلی خواجہ سعد رفیق، سردار ایاز صادق اتے رانا ثنااللہ وی موجود ہن۔
