اسلام آباد۔29جولائی(اے پی پی)وفاقی وزیر خزانہ و محصولات سینیٹر محمد اورنگزیب فچ ولوں پاکستان دی کریڈٹ ریٹنگ اچ بہتری اتے سٹیٹ بینک ولوں شرح سود اچ کمی کوں قومی معیشت کیتے وݙی کامیابی قرار ݙیندے آکھیے جو پاکستان دی ریٹنگ اپ گریڈ کرݨ نال کلی معیشت دے استحکام کوں پائیدار کرݨ دی حکومتی کوششاں اتے عزم دی تائید تھئی اے۔ انہاں آکھیا جو پچھلے مالی سال دا مکیوا کلی معیشت دے استحکام سانڳے چنڳاں تھئے، مالی اتے حسابات جاریہ دے کھاتیاں دے توازن اچ کارکردگی چنڳی رہی اے، کرنسی تکڑی تھئی اے اتے زرمبادلہ دے ذخائر ودھݨ سودھا مہانگ 38 فیصد ڳھٹ تے 12.5 فیصد دی سطح تے آئے، آئی ایم ایف اتے عالمی بینک دے موسم بہار دے اجلاس اچ ریٹنگ ایجنسیاں نال ساݙے مذاکرات شروع تھئے ہن ایں سانڳے “فچ” پاکستان دی ریٹنگ اپ گریڈ کرݙتی اے جیندے کیتے بیرونی فنانسنگ بارے آئی ایم ایف نال معاہدے اہم کردار ادا کیتے، ریٹنگ اچ بہتری عالمی منڈیاں تئیں رسائی، برآمدی نمو اتے بیرونی سرمایہ کاری اچ مدد ملسی، امید اے باقی ریٹنگ ایجنسیاں وی پاکستان دی ریٹنگ اپ گریڈ کرݙیسن۔
.jpg)