اسلام آباد ۔ 8 مارچ (اے پی پی) د پاکستان په شمول ګرده نړۍ كښې د مېرمنو نړيواله ورځ ولمانځلې شوه۔ ددې ورځې مقصد د مېرمنو سماجي ٬ سياسي او اقتصادي هڅو ته د عقيدت پېرزوينې وړاندې كول دي۔ مېرمنو ته د عقيدت پېرزوينې وړاندې كولو له ګوګل خپل ډوډل جاري كړو۔ ټولنه كښی د مېرمنو اهميت په ډاګه كولو له كه يو اړخ ته په ګرده نړۍ كښې دا ورځ لمانځلې شي نو بل اړخ ته مېرمنو دا ثابت كړې ده چې د دوئي د شموليت نه غېر كومه هم ټولنه د پرمختګ په لاره روانېدې نه شي۔ د نجي ټي وي چېنل له مخې د دې ورځ لمانځلو په موقعه هغه بهادرو مېرمنو ته د عقيدت پېرزوينې وړاندې كړې شوې كومو چې د خپلو حقونو د ترلاسه كولو جنګ كړې وو۔ د دې ورځې مناسبت سره د پاكستان په شمول د نړۍ بېلو هېوادونو كښې د زرګونو په شمېر تنظيمونو د مېرمنو سماجي ٬ سياسي او اقتصادي پرمختګ له هڅې په ډاګه كولو له واكس ٬ سيمينارونه او مباحثې وكړې۔ د مېرمنو نړيوالې ورځې په مهال د نړۍ بېلو هېوادونو كومو كښې چې روسيه ٬ وېت نامه او بلغاريه شامل ده كښې عامه رخصتي وي۔ دا ورځ د مېرمنو د هڅو علامت دے۔ كال 1908ء كښې 15000 زره خواري كښو مېرمنو د خپلو حقونو لپاره نيويارك ښار كښې احتجاج وكړو او خپل غږ ئې پورته كړو۔ په كال 1909ء كښې امريكه كښې د سوشلسټ ګوند لخوا په اولني ځل د مېرمنو قومي ورځ د فرورۍ په 28 مه نېټه لمانځلې شوې وه۔
