بغداد 14 مارچ (اے پی پی) عراق كښې د التاجی په پوځي اډې د خالي په ورځ توغندي بريد شوي۔د المان نشریاتی ادارې له مخې پعه دې بيس كښې د امريكې اتحادی عسكر تعينات دي۔په يوه اوونۍ كښې په دويم ځل دا بيس په نښه كړې شوي۔په دې اډه كښې موجود د عراق يو كرنل د برتانيې خبر رسنې ادارې ته ووئيل چې ما د لسو توغندو د بريد غږونه اوريدلې دي۔ دغسې يو بريد د شورو په ورځ هم شوې ؤ ، چې پكښې د امریکې دوه او برتانيې يو عسكر وژلې شوې ؤ۔ د دې بريد نه پس د امريكې فضائیه ځوابي کارروائی کړې وه، چې په نتيجه كښې ئې د عراق 6 كسان مړه شوې ؤ۔
