اسلام آباد 06 اپرېل (اے پي پي) د نېشنل ډيزاسټر مېنجمنټ اتھارټئ (اېن ډي اېم اے) چيئرمېن لېفټيننټ جنرال محمد افضل وئيلي دي د کرونا وائرس وباء له مخې هېواد كښې مو د 3800 وينټيليټرز انتظام كړې ، چين څخه به نور دوه زره وينټي ليټرز راوړو ۔ د دې خيالاتو څرګندونه ده پارلماني كمېټۍ ته د بريفنګ په مهال وكړه۔ ده ووئيل د كرونا وائرس د رنځورانو پالنې لپاره د طبي آلاتو او سامان انتظام كوٶ او په دې لړ كښې به نور 500 وينټي ليټرز د زيارت په ورځ پاكستان ته راورسي۔ ده ووئيل د كرونا وائرس په ضد په فرنټ لائن وظيفه ترسره كوٶنكو ډاکټرانو او طبي عملې لپاره صوبو ته 29 زره حفاظتي كټس وركړې شوي ۔ ده ووئيل نزدې 137 روغتونونه د كرونا وائرس رنځورانو لپاره بېل كړې شوي او د وائرس تشخيص لپاره په هېواد كښې 22 ليبارټرۍ كار كوي
