اسلام آباد 16 جون (اے پي پي) وفاقي كابينې د كووېډ-19 د ځپليو رنځورانو د استعمال داروګانو (remdesivir) انجكشن د بيعې ټاكلو منظوري وركړې ده ، د دې دارو په درآمد به ډيوټي نه لاګو كېږي، دغسې وفاقي كابينې په كورونو كښې د كار كوونكو ماشومانو د حقونو د تحفظ بل په اتفاق سره منظور وركړې او وزيراعظم عمران خان په مېنځني ختيځ كښې د ګېرو شوو پاكستانيانو او په خاص توګه د مزدورانو او د خواري كښو راوستلو لپاره په سمدستي توګه د اقداماتو امر كړے او وئيلي ئې دي په دې لړ كښې دې ټولې وسيلې په كار راوستلې شي. وزيراعظم د تعميرات څانګې ودې لپاره د اېن سي او سي په طرز د نوي پاكستان هاٶسنګ اتهارټۍ له مخې د اعلٰې كمېټې جوړولو پرېكړه هم كړې، د وفاقي او صوبائي حكومتونو ، د اړوندو وزارتونو او د محكمو استازي به په كمېټې كښې شامل وي. كمېټي به په ورځني بنياد د تعميرات څانګې د ستونزو په تندې سره حل باوري كوي. د نهې په ورځ د وزيراعظم عمران خان په مشرې كښې د وفاقي كابينې غونډې نه پس د اطلاعات او خپرونو وفاقي وزير سناتور شبلي فراز مېډيا د بريفنګ وركولو په مهال ووئيل د غونډې په پېل كښې وزيراعظم عمران خان د كورونا صورتحال د هېواد په معيشت او په خاص توګه د اولس په ژوند د منفي آغېز ذكر كولو سره ووئيل د كورونا په وجه د هېواد معيشت ته د استحكام وركولو د حكومت هڅې ځپلې شوي. د معاشي عمل رواني باوري كولو لپاره حكومت د تعميرات څانګې له تاريخي مراعاتي پېكج وركړے. ده ووئيل د تعميرات څانګې ودې سره سره د صنعتي څانګې ودې ته دې هم خاص پام لرنه وكړې شي چې دغسې چرته معاشي عمل تند وي چې هلته د ځوانانو د نوكرې موقعې راپېدا شي. وزيراعظم ووئيل د ناسمو معاشي حالاتو سره هم حكومت د پبلك سېكټر ډويلپمنټ پروګرام له مخې د راروان مالي كال په مهال هم ډېرې روپۍ بېېل كړي خو زياتېدونكي پرمختيائي ضروريات د دې خبرې متقاضي دي چې په پرمختيائي عمل كښې د پبلك پرائيوېټ شركت له مخې د نجي څانګې ګډون باوري كولو ته خاص پام وكړے شي. وزيراعظم سپارښتنه وكړه د هېواد مصنوعات لكه آمونه، مېوې او وريژې بهر هېوادونو ته لېږلو او ګاونډيانو هېوادونو اېران او افغانستان ته د برآمدات په اړه د كاروباري ټولنې ستونزې په ترجيحي بنيادونو لرې كړئ . د كورونا وائرس په صورتحال خبرې كولو سره وزيراعظم ووئيل د دې موثره مخ نيوي لپاره ضروري ده چې اولس ته د حفاظتي اقداماتو كولو ترغيب وركړے شي. وزيراعظم ووئيل د كووېډ ١٩ چېلنج مخ نيوي لپاره د حكومت حكمت عملي ډېره متوازن او د زمكېزو حقائقو تر مخه جوړه كړې شوې. ده ووئيل لاك ډاٶن د كورونا د خاتمې حل نه دے. ده ووئيل په هند كښې د لاك ډاٶن منفي آغېز او په خاص توګه په غريبه طبقه كېدونكے آغېز او كشالې د نړۍ په وړاندې دي. ده هدايت وكړو چې په اولس كښې د اېس او پيز عملي كولو په اړه دې د كابينې غړي فعاله كردار ترسره كړي. وزيراعظم ووئيل په دې مشكل صورتحال كښې د حكمت له مخې په اتفاق د حالاتو د مقابلې كولو ضرورت دے. د امريكې غوندې هېوادونه هم دې نتيجې ته رسېدلي چې لاك ډاٶن د كورونا حل نه دے
