اسلام آباد ۔ 26 جون (اے پی پی) خارجه وزير مخدوم شاه محمود قرېشي وئيلي دي د هند هندتوا سوچ او جارحانه پالېسيو د منطقې امن او استحكام سختو خطرو سره مخ كړے ۔ دا خبره ده د جمعې په ورځ خارجه وزارت كښې د سيمه ايزې سلامتيا په حقله د لوړې كچې يوې غونډې مشري كولو په مهال وكړه۔ غونډه كښې د وزيراعظم د قامي سلامتيا خاص مرستيال معید یوسف، خارجه سېكرټري سهېل محمود، اعلی عسکري او د خارجه وزارت وزارت سينئر چارواكو ګډون كولو۔ غونډه كښې مقبوضه جموں وكشمير كښې په روان هندي جارحيت او د منطقې د امن و امان په مجموعي وضعه د خيالاتو څرګندونه وشوه۔ خارجه وزير ووئيل د هند هندتوا سوچ او جارحانه پالېسيو د منطقې امن او استحكام سختو خطرو سره مخ كړے۔ ده ووئيل هند افغانستان كښې امن راوستو له روانې هڅې له مينځه وړل غواړي۔ ده ووئيل هند مقبوضه جموں و کشمیر كښې د بشري حقونو په ضد په روانو خلاف ورزيو او پخپلو داخلي كمزورو پرده اچولو له د لائن آف كنټرول خلاف ورزۍ د لارې عام وګړي په نښه كوي
