اسلام آباد ۔ 26 جون (اے پی پی) خارجه وزير مخدوم شاه محمود قرېشي د سی اېس اېس امتحان كښې كاميابۍ ترلاسه كولو نه وروستو فارس سروس آف پاكستان لپاره غوره كړې زده كوؤنكې رابیل کېنېډی سره ټېلېفوني تماس نيولے ۔ خارجه وزير سي اېس اېس كښې په كاميابۍ ترلاسه كولو او فارن سروس لپاره په غوره كېدو رابيل كېنېډي له مباركي وركولو سره هغې ته هركلے وئېلے ۔ خارجه وزير ووئيل د رابيل كېنېډي د خپلې خوارۍ او شوق په سبب د مقابلې په امتحان كښې كاميابي ترلاسه كول د نورو زده كوؤنكو لپاره د لارې مشال دے۔ خارجه وزير د رابیل کېنېډی پلار جان کېنېډی ته مباركي وركولو سره ووئيل تا چې په كوم ډول د خپلې لور تعليم او تربيې ته پام كړے هغه د وياړ دے۔ دا خبره دې ښكاره وي جان کېنېډی کرسچین کمیونټی سره تعلق لري او اېف بي آر كښې د ډرائيور په حېث خپله وظيفه ترسره كوي۔
