اسلام آباد ۔ 15 اګست (اے پی پی) د هند د آزادۍ ورځې په موقعه د كشميريانو د تورې ورځې په لړ كښې اسلام آباد كښې كل جماعتي حريت كنفرنس د هندي هائي كمېشن وړاندې احتجاجي لاريون وكړو۔ لاريون كښې ګډون كوؤنكو مظاهرچيانو پلے کارډ او بینرې پورته كړې وې په كومو چی”مقبوضه كشمير كښې ظلم او زياتې بند كړۍ ٬ كشميري اولس ته د خپلواكۍ حق وركړۍ ” نعرې ليكلې شوې وې۔ په دې مهال د حريت لارښود محمود اے ساغر په شمول نورو ووئيل د تورې ورځې لمانځلو مقصد نړۍ ته دا پېغام وركول دي چې كشميريان آزادي غواړي۔ دوئي ووئيل كشميريانو ته دې د ملګرو ملتونو قراردادونو لمخې د خپلواكۍ حق وركړے شي۔ دوئي ووئيل د آزادۍ تحريك نه به چرې شاته نه شؤ۔ مودي دې واوري چې هغه د آزادۍ د تحريك مخه نيولے نه شي
