اسلام آباد 08 اکتوبر(اے پی پی)د قامي اسمبلۍ سپيكر اسد قيصر وئېلي دي 8 اكتوبر 2005 زلزله د پاكستاني قام لپاره يو آزمائش ؤ او قام چې د آزمائش په دغه وخت ګښې د كوم اتحاد يو والي څرګندونه كړی هغه مثالي وه٬د زلزلې په نتيجه كښې شهيد شوي كسان نن هم مونږ نه دي هېر كړی او د هغوي د كورنيو په غم كښې برابر شريك يو۔د دې خيالاتو څرګندونه ده د 8 اكتوبر 2005 زلزلې 15 كاله په تر سره كېدو د قام په نامه په خپل پیغام ګښې كړی۔سپيكر ووئيل د 8 اكتوبر زلزلې په مهال ټول قام د خپلو ځپليو وروڼو سره اوږه په اوږه ولاړ ؤ ۔ده ووئيل د دغه قدرتي آفت په مهال آزاد كشمير او شمالي سيمو كښې 80 زره څخه زيات كسان شهيدان او ګڼ بې كوره شوي وو۔ده ووئيل د ځپليو بحالي يو مشكل كار ؤ خو د قامي اتحاد٬يو والي او د ملګرو هېوادونو په مرسته د بحالۍ دغه مشكل كار ممكن شوے۔ده ووئيل حكومت د زلزله ځپليو سيمو پرمختګ لپاره لوظي دے او د ځپليو بحالۍ له به هر ممكن اقدامات كوي۔
