اسلام آباد 27 جنوري(اے پي پي) د قامي اسمبلۍ سپيکر اسد قيصر او د چين د نېشنل پيپلز کانګرېس چيئرمېن لي ژانشو ترمېنځه د وېډيو لنك د لارې ورچوئل غونډه شوې چې پكښې د سي پېك موثره نګرانۍ لپاره د پاكستان پارلمان او د نېشنل پيپلز کانګرېس په غړو مشتمل شريكه پارلماني كمېټي جوړولو ته صلاح راغلې۔ دواړه مشران په دې خبره صلاح كړې چې د پارلماني سفارتكارۍ د لارې موجوده دوه اړخيزه اړيكې او معاشي مرستې ته وده وركړې كېدې شي۔ دواړو پريذائيډنګ افسرانو پخپل اړوند سېکرټرېټس كښې د مشتركه پارلماني كمېټي جوړولو لپاره د ضروري اقداماتو عزم وكړو۔ د قامي اسمبلۍ سپيكر سره ډپټي سپيكر قاسم خان سوري ، د سي پېك كمېټۍ چيئرمېن شېرعلي ارباب، د خارجه چارو كمېټۍ چيئرمېن احسان الله ټوانه، د پاك چين دوستي ګروپ کنوينر نور عالم خان او د قامي اسمبلۍ نور غړي موجود وٶ او د اېن پي سي چيئرمېن سره د نېشنل پيپلز كانګرېس سپيكر او د خارجه چارو او د قانون پحقله د كمېټو چيئرمېن په ورچوئل غونډه كښې موجود وو۔ دا غونډه د د كرونا وائرس خپرېدو نه پس د پاكستان او چين د پارلمان د پريذائيډنګ افسرانو ترمېنځه د لوړې كچې وړومبۍ رابطه ده۔ په دې موقع سپيکر اسد قېصر ووئيل پاكستان چين خپل نزدې ملګرې٬ قوي شراكتدار او آئرن براردر ګڼي۔ ده ووئيل د دواړو هېوادونو ترمېنځه اړيكې د ورورولۍ ځانګړې مثال لري۔ ده ووئيل زه د چين خپل همڅنګ ته د پاك چين سفارتي اړيكو په 71مه سالګيره او په نوي كال مباركي وركوم۔ سپيکر اسد قېصر ووئيل پاکستان د چين په سيمه ايز سالميت باور لري او د ون چين پاليسۍ بشپړ ملاتر كوي۔ ده ووئيل پاكستان په نړيوالو او سيمه ايزو فورومونو د چين مرستې ته په درنه سترګه ګوري۔ ده ووئيل د هند لخوا په كشميريانو د ظلمونو خاتمې او د كشمير كشالې هواري لپاره د نړيوالې ورورولۍ مرسته ضروري ده۔ ده ووئيل د كشمير په مسئله د چين د غېر متزلزل ملاتړ ته د پاكستان اولس او حكومت په درنه سترګه ګوري۔ په دې موقع د نېشنل پيپلز كانګرېس چيئرمېن لي ژانشو ووئيل چين پاکستان خپل ورور او نزدې ستراتېژك اتحادي ګڼي۔ ده ووئيل چېن به د پاكستان دفاع او سيمه ايز سالميت په ځائ ساتلو لپاره عمرله پاكستان سره اوږه په اوږه ولاړ وي۔ ده ووئيل د كووېډ-19 په سبب چين تباهۍ سره مخ شوے ؤ۔ ده ووئيل پاكستان په خاص توګهد پارلمان ملاتړ د دې رنځ مخنيوي لپاره د چين حكومت له حوصله وركړې۔ ده د پاكستان سپيكر اسد قېصر له باور وركړو چې پاکستان له د كرونا وائرس واكسين وركول د چين حكومت وړومبۍ ترجيح ده۔۔ د سپيکر اسد قېصر ستائنه كولو سره ده ووئيل د خېبر پښتونخوا اسمبلۍ سپيكر او بيا د قامي اسمبلۍ سپيكر په حېث سي پېك او د دې د خاص اقتصادي زون جورولو لپاره د دوي ملاتړ مثالي دے۔
