اسلام آباد – 15 – مارچ (اي پي پي) پرڏيهي آفيس جي ترجمان ممتاز زهره بلوچ عالمي ائٽمي توانائي ايجنسي (آءِ اي اي اي) جي وفد جي پاڪستان جي دوري جي حوالي سان ميڊيا جي سوالن جي جواب ۾ چيو ته آءِ اي اي اي جي اعليٰ وفد جي پاڪستان جي دوري جي حوالي سان ڪنهن به قسم جون خبرون بي بنياد ۽ ”فيڪ نيوز“ آهن. ترجمان چيو ته آءِ اي اي اي جو ڪو عهديدار هن وقت پاڪستان جو دورو نه ڪري رهيو آهي ۽ نه ئي ويجهي مستقبل ۾ آءِ اي اي اي سان ڪا پاليسي ڳالهه ٻولهه جو منصوبو آهي. هن چيو ته ڊائريڪٽر جنرل آءِ اي اي اي فيبروري 2023ع ۾ پاڪستان جو دورو ڪيو هو. ان موقعي تي پرڏيهي وزارت ميڊيا جي لاءِ تفصيل جاري ڪيا هئا.
