اسلام آباد 28 جون (اے پي پي) د پاکستان پیپلز ګوند چیئرمېن بلاول بھټو زرداري شریك چیئرمېن آصف علي زرداري سره د پيپلز ګوند راتلونكې انتخابي منشور اعلانولو سره ووئيل پيپلز ګوند به د هېواد سباٶن محفوظ جوړولو لپاره د آوبو پانګو بندوبست كوي٬ نړيوالو پوهانو تر كال 2031 د قحط سالۍ ښكار كېدو (عنديه) وركړې ٬ ګرد هېواد كښې به مېرمنو لپاره فوډ سټور پرانستلې شي٬ زراعت د ملا تير دے او په دې لړ كښې د اصلاحات نه غېر هېواد پرمختګ نه شي كولې٬ كروندګرو له به د صنعتي كارمندانو برابر درجه وركولې شي٬ كسان كارډ جاري كولو سره به سره او د كركيلې څيزونه په سبسډي وركولې شي٬ د غربت او بېروزګاری خاتمه٬ بې وسه او خواري كښو له به د درملنې پروګرام اولس ته د انصاف وركړه٬ د جمهوريت د استحكام عزم او د لوږې ختمولو پروګرام به پېل كولې شي۔ د دې خيالاتو څرګندونه ده د زيارت په ورځ پرېس كلب كښې د ګوند منشور اعلانولو نه پس خبريالانو سره په خبرو كښې وكړه۔ په دې موقع نیئر حسېن بخاري، اعتزاز احسن، شېري رحمان، قمر زمان کائرہ، مصطفیٰ نواز کھوکھر، عامر فدا پراچه، لطیف اکبر پشمول د ګوند نور لارښود هم موجود وو۔ پاکستان پیپلز ګوند د كال 2018 ټولټاكنو لپاره د انتخابي منشور اعلان كړو چې پكښې د غربت او بېروزګاری خاتمه، اولس ته د انصاف وركړه٬ د جمهوري استحكام عزم او د لوږې ختمولو د پروګرام پېل كولو پشمول د معاشي او زرعي اصلاحات اعلان كړې شوې۔ د پیپلز چیئرمېن بلاول بھټو زرداري په نېشنل پرېس كلب كښې “د بي بي لوظ تر سره كول دي٬ پاكستان بچ كول دي” په سرخط انتخابي منشور اعلان كړو۔ بلاول بھټو زرداري د پیپلز ګوند چیئرمېن په حېث وړومبنې منشور وړاندې كولو سره ووئيل هېواد كښې د جمهوريت جرړې قوي كول زمونږ د ګوند د منشور بنيادي برخه ده۔ ده ووئيل د پيپلز ګوند وړومبنې منشور په كال 1967 كښې ذوالفقار علي بهټو وړاندې كړې ٶ او پخپله عملي سياست ته د راتللو سره زه دا منشور وړاندې كوم۔ ده ووئيل نن د پاكستان هره څانګه استحصال سره مخ ده خو مونږ به نړۍ كښې د پاكستان جائز حېثيت بحالوٶ۔ ده ووئيل نن پاكستان مفلوج شوے او د ترهګرۍ په ضد د قربانيو باوجود پاكستان نړيوالې تنهائۍ سره مخ دے ۔ بلاول ووئيل د احتساب په نامه ټولې ادار تباه كړې شوې او پارلمان په چپه خله رياست او معيشت ته پېښو خطرو ته كتل خو مونږ به د رياستي ادارو ترمېنځه همغږۍ ته وده وركوٶ او پارلمان او د نورو ادارو ډهانچه به مضبوطوٶ۔ ده ووئيل د هېواد په عزت به سودا نه كوٶ او نړۍ سره به د برابرۍ په كچه اړيكې جوړو٬ ده ووئېل پارلمان په خوښه به خارجه پاليسۍ جوړوو پ ۔ بلاول بھټو زرداري ووئيل په سلاله پوسته بريد يوه لويه پېښه ده٬ زمونږ حكومت د پېښې نه پس شمسي ايئر بېس بند كړو او 7 مياشتې د ناټو سپلائي بنده وساتلې شوه ٬ امريكې سره مو په برندو سترګو خبرې وكړې او په وړومبې ځل يو سپر پاور هېواد د پاكستان نه بخښنه وغوښتله۔ ده ووئيل پاكستان كښې د اوبو مسئله سنګينه ده كه د اوبو مسئله هواره نه كړې شوه نو تر كال 2025 به دا مسئله لا سنګينه شي ۔ ده ووئيل د اولس شعور به بېدارول وي چې د اوبو په بچت كښې بقاء ده ٬ ده ووئېل مونږ په جامشورو كښې بندونه جوړ كړل خو په پنجاب او خېبرپښتونخوا كښې يو بند هم جوړ نه شو٬ مونږ به ټول هېواد كښې بندونه جوړٶ۔ پاکستان پیپلز ګوند د اوبو په مسئله كار كوي خو افسوس چې په خېبرپښتونخوا او پنجاب كښې د اوبو يوه منصوبه جوړه نه شوه ٬۔ د زرعی اصلاحاتو په حقل ده ووئيل د زرعي هېواد ګرځېدو باوجود پاكستان د كركيلې حالت خراب دے خو مونګ به د هېواد د كروندګرو رجسټرېشن كوو او دوي ته به بېنظير كارډ جاري كوٶ ٬ د مېرمنو كروندګرو رجسټرېشن به هم كوٶ ۔ د صحت آسانيو پحقله ده ووئيل اولس ته د صحت بنيادي آسانۍ وركول د حكومت ذمه واري وي٬ مونږ په اقتدار كښې راتللو سره به ګرد هېواد كښې د صحت اسانيو نظام جوړو او په وړومبې ځل به فېملي هېلت پروګرام پېل كولې شي۔بلاول بهتو ووئېل ګرد هېواد كښې د جمهوريت او پارلماني ادارو استحكام له عزم كولو سره ووئېل په كلونو د پارلمان نه غېر حاضره پاتې كېدو سره ووټ له عزت نشي وركړې كېدې۔ ده ووئيل دهرنو او په پارلمان لعنت وئېلو سره هم جمهوريت نه مضبوطېږي٬ بايد ټولې ادارې په خپل حد كښې كار وكړي۔ ده ووئيل د رائے د اظهار په آزادۍ قدعن لګولې كېږي خو پيپلز ګوند ته سېنسر او ملاٶټ شده جمهوريت نه دې قبول٬ پیپلز ګوند به معياري جمهوريت لپاره غږ پورته كوي۔ ده ووئيل اقتدار كښې د راتللو سره به د زده كوٶنكو او په ټرېډ يونين بندېز ختموٶ۔ ده ووئيل وخت دا تقاضا كوي چې پاكستان د خطرو نه بچ كړې شي او مونږ د شخړو په سوله ايز ډول هواري كښې خوښي لرو او مونږ به د خودانحصارۍ پاليسي خپلوٶ۔ سوئيلي پنجاب كښې صوبې جوړولو له د سياسي هلو ځلو تندولو د عزم څرګندونې سره ده ووئيل د اصلاحاتو سفر به دوامدار ساتو او د بشري حقونو پحقله به هم اصلاحات كوٶ۔ ده ووئيل د فاټا اولس ته به د ھغوي حقونه وركوٶ او د هېواد د نورو برخو سره به ئې سموو
