اسلام آباد ۔ 21 اکتوبر (اے پی پی) د كورنيو چارو دوهم وزير شهريار خان آفريدي سره د نړيوال اسلامي پوهنتون صدر ډاكټر احمد يوسف الدريوېش ملاقات وكړو۔ دوهم وزير سره په شوي دې ملاقات كښې په پاك سعودي اړيكو ٬ د اسلامي نړۍ پياوړتيا او د اسلامي ټولنو په پرمختګ كښې د پوهنتونونو په كردار د خيالاتو څرګندونه وشوه۔ د پوهنتون پبلك ريلېشن څانګې لخوا جاري شوي بيان ترمخه په دې مهال دوهم وزير ووئيل پاکستان سعودی عربستان سره خپلې اړيكې ډېرې مهمې ګڼي۔ د دواړو هېوادونو اولس زړونه يو بل ته ډېر نزدې دي۔ ده ووئيل د موجوده دور مهم حاجت دا دے چې د اسلامي نړۍ په پوهنتونونو كښې ځوانانو ته ټېكنالوجۍ كښې د پرمختګ او د نوي عصر د غوښتنو ترمخه تعليم وركړې شي۔ ډاكټر احمد یوسف الدریوېش دوهم وزير ته د پوهنتون په اړه بشپړ بريفنګ وركړو او دې ئې د شدت خوښۍ مخنيوي او د امن خپرونه كښې د پوهنتون كردار نه خبر كړو۔ ده شهريار آفريدي ته د پوهنتون دورې او طالبعلمانو ته د خطاب كولو بلنه هم وركړه۔ ملاقات كښې د پوهنتون دوهم صدر ډاكټر طاهر خليلي ٬ د پوهنتون د صدر صلاكار ډاكټر عزيز الرحمن ٬ ډين ډاكټر ارشد ضياﺀ او پرووسټ شعېب عبد الله هم موجود وو
