اسلام آباد ۔ 30 جنوری (اے پی پی) د وزيراعظم د اطلاعات او خپرونو خاص مرستيالې ډاكټر فردوس عاشق اعوان وئيلي دي د وزيراعظم په تنخا كښې د زياتوالي بې بنسټه خبرونه خپرولې شي۔ وزيراعظم حكومتي خرڅونه كمول له تر ټولو اول د خپل ذات نه پېل كړي ۔ وزیراعظم بهرنيو دورو لپاره د نجي پروازونو په ځائې عام كمرشل پروازونه خوښوي۔ اکرام سهګل پخوا هم د پاكستانو وزيراعظمانو لپاره دستورې راجوړې كړې وې۔ كال 2020ء كښې د ميډيا صنعت لپاره به د پرمختګ او سوكالۍ نوې دور پېل شي۔ حکومت جرنلسټ پروټېكشن بل راوړي۔ اسټېټ بانك اېكسپورټ فنډ دوه نيم اربه څخه 5 اربه كړې۔ پنجاب حكومت د نواز شريف راپور مسترد كړې دي۔ تر 6 مې فرورۍ ئې خواجه حارث ته د نوي راپور هدايت كړې ۔ دې د زيارت په ورځ پارلېمنټ هاؤس څخه بهر ميډيا سره خبرې كولې۔ دې ووئيل وزیراعظم د كفايت شعارۍ پېل د خپل ذات نه كړې ۔ وزيراعظم د قام يوه يوه روپۍ بچ كوي۔ بې بنسټه ډنډورې كول د غندلو وړ كار دے۔ دې ووئيل د بده مرغه ميډيا كښې داسې خلق شته كوم چې په وزيراعظم د ټكونو موقع نه ضائع كوي۔ پخوانو وزيراعظمانو اختيار لرلو چې څومره كمېپ آفس جوړول غواړي جوړولې شي ولې عمران خان كوم كېمپ آفس نه دې جوړ كړے۔ خاص مرستيالې ووئيل اوس به كوم وزيراعظم يو څخه زيات كېمپ آفس نشي جوړولې۔ دې ووئيل اكرام سهګل پخوا د پاكستانو وزيراعظمانو لپاره د دستورو كولو اهتمام كولو۔ اكرام سھكل بهر هېوادونو كښې پاكستاني تھنګ ټېنك چلوي۔ ډاكټر فردوس عاشق اعوان ووئيل نواز شريف ته په كال 2017ء كښې نړيوال اقتصادي فورم ته د خطاب اجازه نه وه وركړې شوې ۔ اولس دوه خانداني قبضه ګرو ته د ماتې وركولو سره عمران خان ټاكلې شوے۔ د يوې پوښتنې په ځواب كښې دې ووئيل آئی جی سندھ پرون وزيراعظم سره ملاقات كښې د سندھ د اولس دړد بيان كړې ۔ سندھ حکومت دا مهال كاز سره نه بلكې ذات سره ولاړ دے او وزيراعظم ذات سره نه بلكې كاز سره ولاړ دے۔ دې ووئېل د ميډيا په پالېسۍ غور كېږي۔ اے پی اېن اېس ، سی پی اېن ای، پی اېف یو جے ته ډرافټس لېږلې شوي او مونږ ميډيا وركرز سره كېناستو له چمتو يؤ۔ دې ووئېل كېمره مېن اېسوسي اېشنز ته هم وئيلي دي چې خپل پلان راكړي۔ راروانه اونۍ كښې به ميډيا مالكانو سره ملاقات كوم۔ دې ووئيل كال 2020ﺀ كښې به د ميډيا صنعت لپاره د پرمختګ او سوكالۍ نوې دور پېل شي۔ حكومت جرنلسټ پروټېكشن بل راوړي۔ هڅه كوؤ چې يو وارې ميډيا پالېسي جوړه شي۔ ده ووئيل مونږ نه غواړو چې خواري كوؤنكي خبريالان په سړكونو وي
