اسلام آباد 04 مارچ (اے پي پي) وزيرِاعظم عمران خان وئيلي دي د خاص اقتصادي زونز جوړولو مقصد سرمايه كارو او كاروباريانو ته هر ډول ممكنه آسانۍ وركول دي٬ اوسنې حكومت كاروباريانو ته هر ډول ممكنه آسانۍ او غوره چاپېريال وركولو له عزم لري ۔ د وزيراعظم آفس لخوا د جاري شوي بيان له مخې د وزيراعظم عمران خان په مشرۍ كښې د لوړې كچې غونډه وشوه كومه چې د خاص اقتصادي زونز جورولو په اړه د اپروول بورډ پنځمه غونډه وه۔ په غونډه كښې سناتور شبلي فراز، د انرژۍ وزير عمر ايوب، د منصوبه بندۍ وزير اسد عمر، د خزانې سلاحكار ډاکټر عبدالحفيظ شېخ، د تجارت سلاحكار عبدالرزاق داؤد، د خېبرپښتونخوا وزيراعليٰ محمود خان، د ګلګت بلتستان وزيراعليٰ حافظ حفيظ الرحمان، اطلاعات او خپرونو لپاره د وزيراعظم خاص مرستيالې ډاکټر فردوش عاشق اعوان، خاص مرستيال نديم افضل چن، د سرمايه كارۍ بورډ چيئرمېن زبېر ګېلاني، د خزانې صوبائي وزير تېمور سليم خان جھګړا، د پنجاب د صنعت وزير ميا محمد اسلم او د اړوندو وفاقي او صوبائي څانګو لوړ پورو ګډون وكړو۔ په غونډه كښې بلوچستان، سندھ، خېبر پښتونخوا او د پنجاب خاص اقتصادي زونز جوړولو منظوري وركړې شوه چې پكښې بلوچستان كښې د بوستان خاص اقتصادي زون او حب اقتصادي زون، خېبر پښتونخوا كښې رشکئۍ خاص اقتصادي زون، سندھ كښې نوشهره فيروز او بھولاري خاص اقتصادي زونز، پنجاب كښې بھلوال، بهاولپور، رحيم يار خان، وهاړي او د علامه اقبال خاص اقتصادي زونز منظوري هم وركړې شوه۔ د سرمايه كارۍ بورډ سېكتر غونډې ته ووئيل تر اوسه 13 خاص اقتصادي زونز نوټيفائي كړې شوي٬ په پبلك سېكټر كښې په نورو 12 او په نجي سېكټر كښې د شپږو نوو زونز جوړولو كار روان دے۔ غونډې ته ووئيل شول په كال 2012 كښې د خاص اقتصادي زونز قانون نه پس تر كال 2018 يوازې اووه زونز جوړ كړې شوي ٬ په اوسني دور كښې په يو كال كښې شپږ نوي زونز نوټيفائي كړې شوي٬ اوسني حکومت كښې اقتصادي زونز كښې د آسانو اضافې په اړه په اړوند قانون كښې د بدلون كار نزدې بشپړ كړې شوې ۔ په غونډه كښې بلوچستان، سندھ ، خېبر پښتونخوا او پنجاب كښې جوړېدونكي خاص اقتصادي زونز په اړه معلومات لكه د جوړېدونكو صنعتونو وغيرہ) باندې تفصيلي بريفنګ وركړې شو۔ غونډې ته خپلې وېنا كښې وزيرِاعظم عمران خان ووئيل د خاص اقتصادي زونز جوړولو مقصد سرمايه كارو او كاروباريانو ته هر ډول ممكنه آسانۍ او مراعات وركول دي٬ اوسنې حكومت كاروباريانو ته هر ډول ممكنه آسانۍ او غوره چاپېريال وركولو له عزم لري ۔ غونډه كښې پرېكړه اوشوه چې د خاص اقتصادي زونز په اره ټول معاملات به د صوبائي حكومتونو په كچه حل كولې شي۔ خاص اقتصادي زونز كښې جوړو كړو صنعتونو ته د توان پېداوار په اړه د كېپټيو پاور او د برېښنا ترسيل په اړه د وېلنګ آسانيو وركولو پرېكړه وشوه ۔ وزيراعظم امر وكړو چې د کيپټيو پاور او ويلنګ په اړه دې نظام آسان كړې شي او د دې عمل لپاره د منظورۍ موده دې اوټاكلې شي ۔ وزيراعظم په خاص اقتصادي زونز كښې د صنعتونو جوړولو او د هغوي سهولت كارۍ لپاره اړوند قوانين ٬ قواعدو او ضوابط آسانولو لپاره د منصوبه بندۍ وزير٬ د توان وزير٬ د تجارت سلاحكار او نورو اړوند كسانو پشمول د وركنګ ګروپ جوړولو امر وكړو٬ ورکنګ ګروپ به د خاص اقتصادي زونز په اړه خپل سفارشات وزيراعظم ته وړاندې كوي۔ د منصوبه بندۍ وزير اسد عمر ووئيل د ګلګت بلتستان په اره د اكنامك ګروته ستراتېژي مرتب كولو كار روان دے چې پكښې د صنعتي څانګې پرمختګ هم شامل دے۔ وزيراعظم ګلګت بلتستان كښې د سېلګرۍ موقعې كارولو او د سېلګرۍ
