اسلام آباد ۔ 8 مارچ (اے پی پی) د سائنس او ټېكنالوجي وفاقي وزير فواد چوهدري د شهباز شريف بېرته راتلو معامله قومي اسمبلۍ كښې د پورته كولو اعلان كولو سره وئيلي دي د قومي اسمبلۍ سپيكر او پنجاب حكومت دې خپلې آئيني او قانوني ذمه وارۍ ترسره كړي۔ وفاقي وزير ووئيل د قومي اسمبلۍ غونډه كښې به د مخالفې ډلې مشر شهباز شريف هېواد ته د بېرته راتلو معامله پورته كوؤ۔ د شهبازشریف په ګارنټۍ نواز شريف بهر تلې دې۔ هغه په خپله لندن كښې ناست دے۔ هېواد ته بېرته ولې نه راځي۔ خپل يو بيان كښې ده ووئيل د قومي اسمبلۍ سپيكر ته مې د شهباز شريف د نااهلۍ كارروائۍ له خط ليكلې دې۔ قومي اسمبلۍ كښې به سپيكر ته خواست كوم چې د مخالفې ډلې د مشر د بې دركۍ نوټس واخلي۔ ده ووئيل پنجاب حكومت دې هم د شهباز شريف په ضد قانوني كارروائي وكړي۔ ده ووئيل د نواز شريف په معامله شهباز شريف ګارنټي وركړې ده نو ځكه نواز شريف سره سره د شهباز شريف بېرته راتلو له به هم ګامونه پورته كول وي۔
