اسلام آباد 31 مارچ (اے پي پي) د منصوبه بندۍ او پرمختګ وفاقي وزير اسد عمر وئيلي دي هېواد كښې د اوړو پشمول د خوراك څښاك د يو څيز هم كمې نشته، يو كروړه شل لكه كورنيو ته به دولس زره روپۍ د كورنۍ په سر وركولې شي، پاکستانې قام د هر آفت او وباء مخنيوي كولې شي۔ وفاقي وزير اسد عمر دا خبرې وفاقي وزير حماد اظهر او د وزيراعظم قامي صحت لپاره خاص مرستيال ډاكټر ظفر مرزا سره خبري كنفرنس ته خپلې وېنا كښې وكړې۔ اسد عمر ووئيل په هند كښې د لاك ډاٶن له امله اولس ستونزو سره مخ شوے او صوبې خپلې پرېكړې كوي۔ اسد عمر ووئيل د هېواد لرې پرتو سيمو ته د خوراك څښاك څيزونه رسول د حكومت ذمه واري ده۔ ده ووئيل د كرونا وائرس رنځورانو سره ښه سلوك ته اړتيا ده ۔ ده ووئيل په هېواد كښې د اوړو او د ضرورت د بنيادي څيزونو هېڅ كمې نشته ٬ ذخيره كوٶنكي دې سم شي ګني د دوي په ضد به سخته كاروائي كولې شي۔ ده ووئيل تر اتوار تر ورځ به د هېواد بېلا بېلو روغتونو ته د كرونا ټېسټنګ كټس وركړې شي۔ ده ووئيل پاکستانې قام د هر آفت او وباء يو موټې كېدو سره مخنيوي كولې شي۔
