اسلام آباد ۔ 12 جولائی (اے پی پی) یو اېن اېچ سی آر پاکستان ګرد هېواد كښې د کووډ۔19 لاک ډاؤن ځپليو مستحق افغان كډوالو سره د احساس اېمرجنسی کېش پروګرام په ډول د مالي مرستې پروګرام پاكستان پوسټ سره په ګډه روان ساتلې دې۔ په دې لړ كښې په څلورو واړو صوبو او اسلام آباد كښې د رجسټرد افغان كډوالو 6 زره 5 سوه نه زياتو مستحتو كورنيو سره مالي مرسته وكړې شوه۔ د يو اېن اېچ سي آر وياند اے پي پي ته ووئيل چې حكومت پاكستان كښې مېشته افغان كډوالو كوم چې د کووډ۔19 لاک ډاؤن دلاسه زيات ځپلې شوي دي ته د يو اېن اېچ سي آر پاكستان ، پاکستان پوسټ په مرسته 12 زره روپۍ د كورنۍ په سر وركوي۔ ده ووئيل د بلوچستان ښار كوئټه ٬ خېبر پختونخوا صوبه او اسلام آباد كښې هم د افغان كډوالومستحق كورنيو ته د پاكستان پوسټ په مرسته د كورنۍ په سر 12 زره روپۍ 26 زره كورونيو ته په اولني پړاؤ كښې وركولې شي۔
