اسلام آباد 13 اګست (اے پي پي) وزيراعظم عمران خان امر كړے چې ټولې تعميراتي منصوبې په ټاكلې موده كښې بشپړول باوري كړئ ٬ د تعميرات په څانګه كښې په هر پړاٶنو آټوميشن، ډيجيټلائزېشن او د نظام آسانولو ته پام لرنه وكړئ ، د اېف بي آر لخوا كاروباريانو لپاره آسانۍ وركول خوشبينه دي۔ د دې خيالاتو څرګندونه وزيراعظم هاٶسنګ٬ تعميرات او پرمختګ لپاره د قومي رابطه كمېټۍ اوونيزې غونډې ته خپله وېنا كښې وكړه۔ په غونډه كښې د اطلاعات او خپرونو وفاقي وزير سېنېټر شبلي فراز، خاص مرستيال سيد ذوالفقار عباس بخاري،د اړوندو وزارتونو سېكرتريز، د نيا پاكستان هاٶسنګ اتهارټۍ چيئرمېن٬ د اسټېټ بانك ګورنر، د اېف بي آر چيئرمېن او نورو لوړ پورو ګډون وكړو ٬ دغسې چيف سېكرټريز د وېډيو لنك د لارې غونډه كښې ګډون كولو٬ نوموړو كاروباري شخصياتو عارف حبيب، عقيل کريم ډھيډي، محسن شېخاني او حسن بخشي هم په غونډه كښې ګډون كولو۔ غونډه ته د اېف بي آر لخوا په تعميراتي څانګه كښې د وركړې شوي سهولت او نوو اقداماتو، بلوچستان كښې په نوو منصوبو ٬ د وفاقي پايه تخت اسلام آباد په بليو ايريا كښې د پلاټونو نيلامي او په نورو مهمو چارو بريفنګ وركړے شو۔ د اېف بي آر لخوا د تعميرات په څانګه كښې د وركړي سهولت او نوو اقداماتو په اړه د بريفنګ په مهال د اېف بي آر چيئرمېن وزيرِاعظم ته ووئيل اېف بي آر د ټېكس وركوونكو سهولت كارۍ لپاره په تعميراتي منصوبو كښې ډويلپرز او بلډرز لپاره د آن لائن رجسټرېشن نظام معرفي كړے چې ورسره به د تعميرات په څانګه كښې ټېكس وركوٶنكو ته زياتې آسانۍ ترلاسه شي او د دې اقدام د ميډيا او نورو ذريعو د لارې تشهير روان دے ٬ د دې نه علاوه د اېف بي آر وېبينار هم كېږي۔ ده ووئيل تر اوسه 40 منصوبې رجسټرډ شوي او د 4812 منصوبو د رجسټرېشن كار روان دے۔ بلوچستان كښې د روانو تعميراتي هلو ځلو او د هاٶسنګ منصوبو په اړه د بلوچستان چيف سېكرټري وزيراعظم ته ووئيل ستاسو د سپارښتنې په رڼا كښې اېن او سيز او د نورو منظورو عمل موده شل ورځې كړې شوې ٬ کنټريکټرز او پراپرټي ډويلپرز لپاره سيلز ټيکس د استوګنې سيكمونو لپاره 60 روپۍ مربع ګز او كمرشل لپاره 50 روپۍ مربع ګز كړے شوے ۔ ده ووئيل د نورو مختلفو ټېكسونو شرح هم كمه كړې شوه چې پكښې اسټام ډيوټي، سي وي ټي، ټرانسفر ټيکس او داسې نور شامل دي٬ د استوګنې د بېلا بېلو منصوبو په اړه چيف سېكرتري ووئيل دا مهال ګوادر كښې په 14 زره اېكړه د استوګنې په 79 منصوبو غور روان دے٬ 104 منصوبو لپاره د اېن او سيز منظوري وركړې شوې ٬ سرکاري هاؤسنګ منصوبو كښې په کچلاک هاؤسنګ منصوبې كښې 714 يونټس او 600 اپارټمنټس به جوړولې شي ٬ دې نه علاوه کوئټه، اوړمارہ، پسني او ګوادر كښې د استوګنې منصوبو لپاره په اېم او يوز لاسليك شوے او سائټس هم رامخئ ته كړے شوے ۔ د بلوچستان چيف سېكرټري د نيا پاكستان هاٶسنګ اتهارټۍ له مخې د كم آمدن كسانو لپاره د استوګنې منصوبو په اړه هم غونډې ته بريفنګ وركړو۔ وفاقي پايه تخت كښې بهر هېوادونو كښې مېشته پاكستانيانو لپاره د استوګنې سېكټر او بليو ايريا كښې د پلاټس نيلامۍ په اړه د سي ډي اے چيئرمېن سېكټر پارك انكليو تهري او ستمبر كښې د بليو ايريا پلاټس لپاره د شوې بولۍ په اړه هم وزيرِاعظم خبر كړے شو۔ بليو ايريا كښې د اضافي تعميرات په اړه په لګولې شوو ټېكسونو كښې د زيات كمي تجويز هم وزيراعظم ته وركړر شو۔ په غونډه كښې د كاروباري ورورولۍ نمائندګانو ووئيل د هېواد په تاريخ كښې په لومړي ځل د حكومت لخوا د تعميرات څانګې لپاره دومره آسانۍ وركړې شوي او د منظورۍ عمل نه يوازې آسان بلكې ګړندے كېږي ٬ د حكومت د دې اقداماتو له امله نه يوازې د سرمايه كارو او كاوروباري ورورولۍ ډاډګيرنه شوې بلكې په معاشي هلو ځلو كښې تندوالې رامخې ته شوے۔ وزيرِاعظم عمران خان غونډې ته د وېنا په مهال ووئيل د اېف بي آر لخوا كاروباريانو لپاره آسانۍ وركول خوشبينه دي۔ ده امر وكړو چې د اونيز وېبينار دې اهتمام وكړے شي۔ وزيرِاعظم ووئيل د تعميرات په څانګه كښې په ټولو پړاٶنو كښې آټوميشن، ډيجيټلائزېشن او د نظام آسانولو ته بشپړه پاملرنه وكړئ، د بلوچستان حكومت لخوا د ټېكسونو په شرح كښې د كمي كولو د اقدام هركلي كولو سره وزيرِاعظم د بلوچستان چيف سېكرټري ته امر وكړٶ چې په دې كښې دې نور هم كمے وكړے شي او د ټېكسونو د نورو صوبو كچې ته راوستلو لپاره دې اقدامات وكړے شي دغسې چې په ګرد هېواد كښې د تعميرات څانګې په اړه د ټېكس شرح يو ډول باوري شي ۔ دغسې وزيرِاعظم امر وكړو چې ټولې منصوبې په ټاكلي شوي ټائم لائنز كښې ترسره كول باوري كړئ
