اسلام آباد 17 اګست (اے پي پي) د هوا بازۍ وفاقي وزير غلام سرور خان د اګست د 14مې نېټې په سهار د باران زيان جاج اخستلو لپاره د ګل په ورځ د اسلام آباد د نوې هوائي اډې دوره كړې ۔ده سره د ايوي اېشن نور چارواكي هم موجود وو۔وفاقي وزير ته د رغونې د كار په اړه بريفنګ وركړے شو۔وفاقي وزير ته ووئيل شول د ټرمينل د ودانۍ چت د اے بي آر شيټ څخه جوړ شوے چې پكښې د اوبو نيكاس لپاره 4 زره ميټره چينلې دي۔د دې صلاحيت د 150 ميله ميټره باران دے۔د باران اوبه د يو نوي سي فونك سسټم د لارې ويستلې شي۔په ظاهره د يو سي فونك پمپ د خرابۍ په وجه اوبه جمع شوې وې او ټرمينل ته رسېدلې وې چې په وجه يې د چت خرابې برخې راپريوتې۔وفاقي وزير اړوندو چارواكو ته په سمدستي توګه د مسئلې حل كولو هدايت وكړو۔وفاقي وزير اړوندو ډائرېكټرانو او د هوائي اډې منيجر ته هدايت وكړو چې په سمدستي توګه رپورټ وړاندې كړي
