اسلام آباد ۔ 22 اګست (اے پی پی) پاكستان د روان كال په مهال د کلائمېټ اېکشنز حوالې سره د تل پاتې پرمختګ اهداف (اېس ډی جیز۔13) ترلاسه كوؤنكو هېوادونو په صف كښې شامل شوے دے۔ د اطلاعاتو او خپرونو وزارت لخوا د حكومت د بېلو محكمو ٬ وزارتونو او ډويژنو دوه كلنې كاركردګۍ حوالې سره د جاري كړې شوي راپور لمخې د هېواد په تاريخ كښې په اولني ځل پاكستان د موسمياتي بدلون حوالې سره د تل پاتې پرمختګ اهداف ترلاسه كړې دي۔ په دې اړه د كال 2020 راپور لمخې پاکستان د تل پاتې پرمختګ هدفونو درجه بندۍ كښې دا شمېرې د نړيوال حدت كمي له كړې هڅو څخه ترلاسه كړې دي۔ په دې انډېكس كښی كال 2018 كښې د پاكستان پوزيشن 54.9 وو كوم چې ښه كېدو نه وروستو 2020 كښې 56.2 ته راغلې دې۔
