كراچۍ 04 ستمبر (اے پي پي)د پاكستان پشان د نړۍ په نورو منطقو كښې هم سكاؤټس نه يوازې د پیښو په صورت كښې نه يوازې د خلقو مرسته او لارښونه كوي بلكې د دوي ابتدائي طبي مرسته هم كوي٬ د كال 1965 په جنګ كښې سكاؤټس په پولو د هېواد مېړني او زړه ور وسله وال پوځ لپاره د ضرورت څيزونه جمع كول٬د افواګانو مخ نيوي يې كړے ؤ ٬دوي د خندقونو كېنستلو او د بريد په وخت خندقونو ته د وګړو په منتقل كولو له هم مرسته كړی وه۔ د سندھ بوائے سكاؤټس اېسوسي اېشن پروېنشل سېكرټري او د پاكستان بوائے سكاؤټس اېسوسي اېشن ټريننګ ډائرېكټر سيد اختر مير د پاكستان د دفاع ورځې په موقع اے پي پي سره په خبرو كښې ووئيل د كال 1965 په جنګ كښې پاكستان سكاؤټس هم خپل بشړ كردار ترسره كړے ؤ او د هېواد په پوله موجود د پاكستاني پوځ او د وګړو پھ مرسته كولو كښې يې خپل كردار ترسره كړے ؤ ۔ده ووئيل مونږ هر كال د پاكستان د دفاع ورځ په ملي جوش او جذبه لمانځو۔د دې بنيادي وجه دا ده چې زمونږ بهادر او زړه ور پوځ٬هند ته پھ جنګ كښې سخته ماته وركړی وه او په دې كښې د هېواد وګړو هم خپل بشپړ كردار ترسره كړے ؤ ٬ده ووئيل سكاؤټس د 1965 په جنګ كښې نه يوازې په لاهور او سيالكوټ سېكټرو كښې په پولو پاكستاني پوځ لپاره د خوراك څښاك څيزونه جمع كړي بلكې د هېواد په نورو ښارونو كښې هم چې چرته پوځ په ځاې كړے شوے ؤ دوي لپاره يې د ضرورت ټول څيزونه جمع كړي وو۔په دې څيزونو كښې وړه٬دالونھ٬وريژې٬ خشك پئي٬بسكټ٬چنا٬د څښكلو اوبه٬كمبلې٬څادرې او نور څيزونه شامل وو۔سيد اختر مير ووئيل سكاؤټس په وګړو كښې د خپرېدونكو افواګانو په مخ نيوي كښې هم مهم كردار ترسره كړے ؤ ۔ده مثال وركړو چې كله به په كوم ښار كښې د هوائي اډې د الوزولو افوا خپره شوه نو په دې صورت كښې به سكاؤټس پخپله ښار ته ورسېدل او وګړي به يې پھ اعتماد كښې واخستل او دوي به يې پوهه كړل چې داسې كومه خبره نشته٬دا يوازې افوا ده٬داسې به چې كله دا شكايت راغلو چې په بليك آؤټ كښې وګړي رڼا جوړوي نو سكاؤټس به هغه ځاې ته ورسېد٬د يوې پوښتنې په ځواب كښې سيد اختر مير ووئيل سكاؤټس د خندقونو كېنستلو او د بريد په وخت خندقونو ته د وګړو په منتقل كولو له هم مرسته كړی وه۔ده ووئيل سكاؤټنګ يوه لوبه ده كومه چې په بهرنۍ فضاﺀ كښې كېږي داسې يو وخته هم ؤ چې په هر سكول كښې به د سكاؤټ كېمپ لګېدو او تربيه به وركرې كېده
