اسلام آباد ۔ 13 ستمبر (اے پی پی) د عوامی نېشنل ګوند مركزي صدر اسفنديار ولي خان دوحه كښې روان الافغان مذاكرات خوشبينه ګرځولو سره هيله لرلې ده چې دا مذاكرات به ګټور ثابت شي۔ د اتوار په ورځ د اے اېن پي مركز نه د جاري شوي بيان له مخې د اے اېن پي صدر ووئيل جنګ د كومې مسئلې حل نه دے۔ افغان خاورې يو د اوږدې مودې جنك زغملے دے۔ افغان جنګ يوازې افغانستان يا دا منطقه نه بلكې ټوله نړۍ ئې ځپلې ده۔ ده ووئيل تل پاتي امن او ددې منطقې پرمختګ له به تر ټولو وړاندې جنګ بندول وي۔ د مذاكراتو په مهال دې د 40 كالو جنګ نتيجه مخې ته كېښودلې شي۔ د پاكستان په شمول ټولو قوتونو له به دا پړاؤ كاميابول وي۔ ده ووئيل كه د مذاكراتو ښې نتيجې رامخې ته شوې نو ټولې منطقې له به د پرمخټك لارې پرانستلې شي او اولس به هم د راحت او اطمينان ساه واخستې شي۔
