اسلام آباد ۔ 23 ستمبر (اے پی پی) د كشمير او ګلګت بلتستان چارو وفاقي وزير علي امين خان ګنډاپور د ملګرو ملتونو عمومي اسمبلۍ ته خطاب كښې د كشمير مسئله په بشپړه ډول راپورته ترك صدر رجب طيب اردوان ته د عقيدت پېرزوئنې وړاندې كولو سره وئيلي دي تركيه ټول عمري د كشمير په مسئله د پاكستان او كشميري اولس د دريځ ملاتړ كړے۔ د كشمير په مسئله د تركيه كلك دريځ ته ټول قام د قدر په سترګه ګوري۔ د شورؤ په ورځ خپل يو بيان كښې ده ووئيل تركيه او پاكستان خپلو كښی په لسيزو اډانه مذهبي ٬ كلتوري او د ورورولۍ اړيكې لري كومې چې وخت تېرېدو سره سره لا مضبوطېږي۔ ده ووئيل د كشمير په مسئله د تركيه لخوا غېر مشروط ملاتړ سره د مظلومه كشميري اولس ډاډګيرنه كېږي كوم چې د تېرو 70 كلونو نه د خپلواكۍ حق ترلاسه كولو له جنګ كوي۔ ده وئيل تېر كال هم د ملګرو ملتونو عمومي اسمبلۍ غونډې په مهال ترك صدر د كشمير په مسئله د پاكستان د دريځ كلك ملاتړ كړے و او سږ كال ئې هم د كشمير په مسئله ښكاره دريځ خپلولو سره ثابته كړې چې د ترك حكومت او اولس زړونه د پاكستاني او كشميري اولس سره درزيږي۔ علی امین ګنډاپور ووئيل د كشمير مسئلې حل كولو له به نړۍ له د ملګرو ملتونو د سلامتي كونسل قراردادونه عملي كول وي۔ ده ووئيل وزيراعظم عمران خان به د ملګرو ملتونو عمومي اسمبلۍ ته د غونډې په موقع خپل خطاب كښې د كشمير مسئله په بشپړه ډول رامخې ته كړي۔ ده يو وارې بيا د دې عزم څرګندونه وكړه چې د خپلواكۍ حق ترلاسه كولو پورې به پاكستان د كشميري اولس د حقونو غږ د نړۍ په ټولو فورمونو پورته كوي۔
