اسلام آباد 18 فروري (اے پي پي) بهرنيو چارو وزير شاه محمود قرېشي په قاهره كښې د عرب ليګ هېډكوارټر دوره كړې۔ د عرب ليګ سېكرټري جنرل احمد ابو الغيط په دغه مهال د خارجه وزير شاه محمود قرېشي هركلے وكړو۔ د زيارت په ورځ د خارجه دفتر وياند له مخې خارجه وزير شاه محمود قرېشي د عرب ليګ عمومي سېكرټري سره خپل خاص ملاقات كښې په سيمه ايز صورتحال او د مهمو نړيوالو چارو پشمول د شريكې خوښې په معاملاتو د خيالاتو څرګندونه وكړه۔ خارجه وزير ووئيل پاكستان د عرب ليګ غړو هېوادونو ته خاص اهميت وركوي٬ د يو ډول مذهبي او تهذيبي اقدارو له كبله د عرب ليګ ټولو غړو هېوادونو سره پاكستان مضبوطې سياسي او تجارتي رابطې لري۔ ګڼ شمېر پاكستانيان عرب هېوادونو كښې مېشته دي۔ د پاكستان او عرب ليګ ترمينځه د مفاهمتي يادښت حواله وركولو سره هغه د شريكې مرستې او همغږۍ د لارې د دې فرېم ورك د عملي كولو په حاجت زور راوړو۔ دواړه لارښود په دې لړ كښې مشاورت روان ساتلو ته صلاح شول۔ خارجه وزير د عرب ليګ سېكرټري جنرل په افغانستان كښې امن راوستو له د پاكستان د مصالحانه هڅو او د دغې د مېوؤ نه خبر كړو۔ خارجه وزير هغه د هند د 5 اګست 2019 يو اړخيزه اقدام نه وروستو مقبوضه كشمير كښې د بشري حقونو سنګينو خلاف ورزو او سيمه ايز امن ته د پېښو خطرو نه هم خبر كړو۔
