اسلام آباد 29 اپرېل (اے پي پي) نېشنل كمانډ اېنډ آپرېشن سنټر ﴿اېن سي او سي﴾ د اختر په مهال په بين الصوبائي، انټر او انټرا سټي پبلك ټرانسپورټ بندېز لګولے دے، د اختر د شپې په بازارونو به هم بندېز وي. د زيارت په ورځ د اېن سي او سي لخوا په جاري شوې اعلاميه كښې وئيلي شوي د مئي د 10مې نېټې نه تر 15مه نېټې د اختر رخصتۍ مقصد د هېواد په كچه تګ راتګ محدود كول دي، نجي ګاډو، ركشو او ټېكسيانو ته به 50 فيصده سورلو سره د سفر اجازه وي. د 8م نه تر 16م مئي په كور پاتې شئ او په محفوظ پاتې شئ حكمت عملې به عمل كول وي. په يوم علي، شب قدر، اعتكاف او جمعة الوداع لپاره په ګائيډ لائنز به عمل د مئي د وړومبې نېټې نه پېل شي. د اختر په شپه به د نېكريزو، جيولري او د جامو په سټالونو بندېز وي. د اېن سي او سي له مخې د سېل ځايونه، پبلك پاركونه او شاپنګ مالز به د 8م نه تر 16م مئي بند وي. ټول ماركيټونه، دكانونه او كاروبار به بند وي خو د ضروري څيزونو دوكانونه به پرانستي وي. د سېل ځايونو پلو د تلونكو لارو بندولو پرېكړه هم شوې. د مئي تر 7مه نېټې به اضافي رېل ګاډي چلولې شي، په رېل ګاډو كښې به اېس او پيز سره د 70 فيصد مسافرو د مزل كولو اجازه وي. اېن سي او سي وئيلي دي د اختر په موقع به برېښنا باوري كولې شي.
