اسلام آباد 06 اګست (اے پي پي) خارجه وزير مخدوم شاه محمود قرېشي ووئيل ډيجيټل ډپلوميسي د وخت اهم ضرورت دے، خارجه وزارت د جديد عصري تقاضو سره همكاره كولو لپاره دې جامع او د عمل وړ تجويزونه راوړندې كړې شي۔ دا خبرې خارجه وزير د زيارت په ورځ په وزارت كښې د ډيجيټل ډپلوميسي ګروپ غونډې مشرۍ په مهال كړې٬ ډيجيټل ډپلوميسي ګروپ د خارجه وزيرد پبلك ډپلوميسي وژن برخه ده چې پكښې ډيجيټل او تكنيكي پوهان شامل دي٬ د ډيجيټل ډپلوميسي ګروپ غړو كښې ډيجيټل ميډيا لپاره د وزيراعظم فوکل پرسن ډاکټر ارسلان خالد، د نېشنل انفارمېشن ټيکنالوجي بورډ سي اي او سيد شباهت علي شاه، د اطلاعاتو وزارت د ډيجيټل ميډيا ونګ جنرل منېجر عمران غزالي، ډيجيټل ايکسپرټ تانيه اېدروس، د پرو پاکستاني بلاګ موسس عامر عطاء، د پبلك ريليشنز ايکسپرټ سلينا راشد او پبلك ډپلوميسي لپاره د خارجه وزير سلاحكار عمران اختر شامل دي۔ خارجه وزير ووئيل كرونا وېرس نړۍ بېخي بدله كړې ده، ډيجيټل ډپلوميسي د وخت اهم ضرورت دې۔ خارجه وزارت ته لوي څښتن ښه هيومن ريسورس وربخښلي دي، د پراخه تجربې وړ سفيران مونږ سره موجود دي۔ خارجه وزير شاه محمود قرېشي ووئيل ضرورت د دې خبرې دې د بدلېدونكي وخت په تقاضو پوهېدو سره ټېكنالوجي پكار راوستلې شي، چارواكو دې د روايتي سفارتكارۍ سره سره د ډيجيټل سفارتكارۍ په رموزو پوهه كړې شي۔ خارجه وزير ووئيل خارجه وزارت د جديد عصري تقاضو سره همكاره كولو لپاره دې جامع او د عمل وړ تجويزونه راوړندې كړې شي
