اسلام آباد 07 اکتوبر (اے پی پی)د آئي ټي او ټېلي كميونيكېشن وفاقي وزير سيد امين الحق وئېلي دي مونږ د صوبائي٬نسلي او سياسي فرق نه غېر د اولسي ګټې لپاره په بېلو پروژو عمل كوو او په دې لړ كښې پسمانده او تر لرو پرتو سيمو رابطو٬انټرنېټ سروسز وركولو٬د ځوانانو تربېې آئي ټي پاركس جوړولو او د مېرمنو د تربيې تناسب كښې د زياتوالي پروژې مهمې دي ٬ د دې پروژو بشپړېدو سره به نه يوازې ډيجيټل پاكستان وژن ته وده ترلاسه شي بلكې عام وګړې او په خاص توګه د پسمانده سيمو وګړي به د ډيجيټل نړۍ سره منسلك شي۔ده دا خبرې د څلورو واړو صوبو٬ګلګت بلتستان او آزاد كشمير آئي ټي وزيرانو د بين الصوبائي رابطه كمېټۍ غونډې مشرۍ كولو سره وكړې ۔د آئي ټي سېكرټري شعيب صديقي پشمول اړوندو افسرانو غونډې ته بريفنګ وركړو۔په غونډه كښې د پنجاب د آئي ټي صوبائي وزير ياسر همايون٬د سندھ د آئي ټي وزير تيمور تالپر٬د خېبرپښتونخوا د آئي ټي صلاحكار ضياﺀالله بنګش٬د بلوچستان د آئي ټي سېكرټري ٬د ګلګت بلتستان د آئي ټي صلاحكار او د آزاد كشمير د آئي ټي وزير پشمول د اړوندو محكمو اعلٰی چارواكو ګډون وكړو۔وزيرانو په صوبه كښې د روانو پروژو څخه وفاقي وزير خبر كړو۔په دې موقع رائټ آف وے٬سائبر سېكورټي پالېسي٬فري لانسرز٬د آئي ټي تعليم او په خاص توګه مېرمنو له پېشه وره تربيې وركولو پشمول د وفاقي او صوبائي وزارتونو د آئي ټي په روانو او د سباؤن په پروژو خبرې وشوې
