كراچې 16 فروري (اے پي پي) د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان وئيلي دي چې نعيم الحق نورو لپاره ژوند كړے او د پاتې اولس حق لپاره ئې هڅې كړې دي، نعيم الحق تر وروستې سلګۍ د عمران خان په نظريه او د ګوند په منشور عمل كړے، ده شپه ورځ محنت كړے، ګوند او كاركنان به د ده مشن روان ساتي. هغې دا خبرې د اتوار په ورځ په كراچې كښې د نعيم الحق كورنۍ سره د غمرازې كولو نه پس خبريالانو سره په خپلو خبرو كښې وكړې. د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان ووئيل چې نعيم الحق هغه وخت عمران خان سره و كله چې هغه په هېواد كښې بې وسه خلقو لپاره روغتون جوړولو. هغې ووئيل چې هغه په خپله د اوږدې مودې نه د كېنسر په ناروغې كښې اخته و. هغه دوويشت كاله عمران خان سره په هڅو كښې شريك و. نن مونږ خپل عظيم لارښود ته د عقيدت پېرزوينه وړاندې كوو. هغې ووئيل چې نعيم الحق نورو لپاره ژوند كړے او د پاتې اولس حق لپاره ئې هڅې كړې دي، نعيم الحق تر وروستې سلګۍ د عمران خان په نظريه او د ګوند په منشور عمل كړے، ده شپه ورځ محنت كړے، ګوند او كاركنان به د ده مشن روان ساتي.
