اسلام آباد۔ 12 اپرېل (اے پی پی) د آزاد جموں وكشمير وزيراعظم راجه فاروق حېدر د ملګرو ملتونو عمومي سېكتر انتونیو ګترېس ته خواست كړې دې چې هغه دې كنټرول لائن ته نزدې په سول آبادۍ د هندي ځواك بې درېغه ډزو نوټس واخلي۔ د اتوار په ورځ د سماجي رابطې په وېب سائټ ټوئټر خپل ټوئټ كښې ده ووئيل د جنګ بندۍ خلاف ورزۍ سره نه يوازې د اولس املاك په نښه كولې شي بلكې دې سره لائن آف كنټرول ته نزدې آبادۍ كښې د كورونا وائرس ځپليو وګړو مرسته كښې خلل هم رامخې ته كېږي۔
ګلګت بلتستان كښې د كورونا نور 8 كېسونه رامخې ته شول٬ د روغتيا څانګې وياند
ګلګت۔ 12 اپرېل (اے پی پی) ګلګت بلتستان كښې د كورونا نور 8 كېسونه رامخې ته شوي دي۔ د روغتيا څانګې وياند له مخې په دوئي كښې د 6 تعلق استور او د 2 تعلق نګر ضلعې سره دے۔ بلخوا درې ځپلي شوي روغ شوې هم دي۔ دا خبره دې ياده وي چې په ګلګت بلتستان كښې د ځپليو رنځورانو مجموعي شمېره 224 ده۔ تر دې دمه په مجموعي توګه 179 كسان روغ شوي دي چې ټېسټونه ئې منفي راغلي او خپلو كورونو ته تلي دي
