اسلام آباد 13 جولائی (اے پی پی) د كشمیر او ګلګت بلتستان چارو وفاقی وزیر علی امین خان ګنډاپور په 13 جولائی1931 كښې د ډوګرا راج د لاسه شهيدو شوو كشمیریانو ته پيرزوئنې وړاندې كولو سره وئيلي دي شهيدانو د اسلام سرلوړۍ او د كشمیریانو آزادۍ لپاره د خپلو ځانونو قرباني وركړي،تاریخ كښې د همت ٬عزم او د مړانې داسې مثالونه كم موندلے كېږي ، مقبوضه كشمیر كښې د آزادۍ لمر به ډير زر راوخيژي۔ د كل په ورځ د شهيدانو ورځې په موقع خپل پیغام كښې ده ووئيل د كشمیریانو د آزادۍ دا عزم او مړانه نن هم په هغه جذبه ژوندۍ ده، د برهان وانی غوندې ځوانانان د خپلواكۍ حق لپاره هره ورځ د خپلو ځانونو قرباني وركوي، هند د خپلواكۍ حق لپاره د كشمیریانو عزم ته زيان رسولو كښې ناكامه راغلے۔ده ووئېل مقبوضه كشمیر كښې د آزادۍ لمر راښكاره كيدونكے دے۔ علی امین ګنډاپور ووئيل وزیر اعظم عمران خان د وكیل او سفیر په توګه ټوله نړۍ كښې د كشمیریانو د حقونو مقدمه مخ په وړاندې بيائي،پاكستان به د كشمیریانو د ملاتړ څخه كله په شا نه شي
