اسلام آباد ۔ 27 جولائی (اے پی پی) خارجه وزير مخدوم شاه محمود قرېشي وئيلي دي حكومتونه ځي راځي ولې قانون سازي يو مسلمه عمل دے ٬ د غوره قانون سازۍ د لارې د كرپشن نوغے ويستل غواړؤ ولې دا هم غواړؤ چې د كرپشن په نامه د چا عزت ته زيان ونه رسولے شي۔ د ګل په ورځ خپل بيان كښې خارجه وزير ووئيل د ځينې قانونونو په اړه مونږ او مخالف ګوندونه يو دريځ لرو۔ زمونږه او د مخالفې ډلې ګوندونو د نكته نظر ترمينځه فرق لرې كولو او غوره قانون سازۍ له 24 كسيزه پارلماني كمېټي جوړه كړې شوې۔ده ووئېل د دغې پارلماني كمېټۍ يوه غونډه شوې او دويمه به ډېر زر وكړے شي۔ ده ووئيل مونږ د اېف اے ټی اېف، نېشنل سکېورټی او د نېب اړوندې مسودې اپوزيشن ملګرو ته لېږلي او هيله لرم چې د اپوزيشن ملګري به په پراخه زړه دغې مسودو ته وګوري او بيا به په ګډه په دې خبرې وكړؤ۔ ده ووئيل د غوره قانون سازۍ د لارې د كرپشن نوغے ويستل غواړؤ ولې دا هم غواړؤ چې د كرپشن په نامه د چا عزت ته زيان ونه رسولے شي۔ د كرپشن مخ نيوي قوانين مقصد د چا ناجائزه تنګول نه دي ولې كومو كسانو چې بې دردۍ سره هېواد لوټ كړے هغوي انصاف سره مخ كول غواړؤ۔ ده ووئيل مونږ هڅه كوؤ چې داسې قانون جوړ كړے شي كوم چې د دې دواړو خبرو خيال وساتي۔
