اسلام آباد۔ 24 ستمبر (اے پی پی) خارجه وزير مخدوم شاه محمود قرېشي وئيلي دي د باني غړي په حېث پاكستان ټول عمري سارك ډېر مهم ګڼلے۔ پاكستان د 19 م سارك مشرانو كنفرنس اسلام آباد كښې كوربتوب له چمتو دے۔ د شريكو مسائلو حل له په سيمه ايزه كچه شريكې تګلارې او سوچ ته اړتيا ده۔ نړيوالو ٬ سيمه ايزو او نورو قامونو سره په لا زياته مرسته اډانه نتيجه راوړونكې هڅې به كول وي۔ د سارک مبصر هېوادونو درجه دې د ډائیلاګ پارټنر په توګه زياته كړې شي۔ د متنازعه سيمو حېثيت بدلولو له د هر يو غېر قانوني او يو اړخيزه ګام به بشپړه غندنه او مخالفت كول وي۔ د زيارت په ورځ د ملګرو ملتونو عمومي اسمبلۍ غونډې په موقع د سارك وزارتي كونسل غېر رسمي ورچوئل غونډې ته خطاب كښې ده ووئيل پاكستان به د دې مهم تنظيم كاميابۍ له خپل فعال كردار روان ساتي۔ پاكستان د “سمارټ لاک ډاؤن”، ټېسټ، ټرېسنګ اور کورنټین بشپړه حكمت عملۍ د لارې د كورونا مخنيوي كښې كامياب شوے۔ د اولس د ځان او د دوئي روزګار بچ كولو له زمونږ متوازنې هڅې د كورونا اثرات كمولو له مرستيالې ثابت شوې۔ ده ووئېل د وزیراعظم د 8 اربه ډالره ريليف پېكج د لارې مونږ د ټولنې د كمزورو طبقو مرسته وكړه۔ وزیراعظم د لس لكه رضاكارو ځوانانو ټاسك فورس جوړ كړے۔ پاكستان كه هر څو د خپلو پولو دننه په كورونا تر كافي حده قابو موندلے ولې مونږ دا ګڼو چې د كورونا خپرېدو مخنيوي له د سيمې ايزې كچې سوچ او ګامونو ته اړتيا ده دغسې چې د سوئيلي آسيا د اولس د ژوند او روزګار حفاظت وكړے شي۔ ده ووئيل د سارك اداره د سوئيلي آسيا اولس لپاره د هيلې مركز دے۔ ولې بياهم د دې ادارې او د ذېلي ادارو د اولس په ژوند اثرات زمونږ د اجتماعي هيلو له مخې نه دي رامخې ته شوې۔ ده ووئيل نړيوالو ٬ سيمه ايزو او نورو قامونو سره د لا زياتې مرستې كولو په لړ كښې په لا پام اډانه نتيجې وركوؤنكو هڅو ته اړتيا ده۔ شاه محمود قرېشي ووئيل په دې لړ كښې پاكستان ټول عمري د دې وړاندېز پلوي پاتې شوے چې د مبصر هېوادونو درجه دې د ډائيلاګ پارټنر په توګه زياته كړې شي۔ ده ووئيل پرمختګ ٬ معاشي شرح نمو ٬ د بې وزلۍ خاتمه او د اولس سماجي بهتري ترلاسه كولو له د شخړو په سولييزه ډول هوارول اولنے شرط دے۔ په دې لړ كښې مونږ د ملګرو ملتونو په منشور او د سلامتي كونسل په قراردادونو ايماندارۍ سره د عملدرآمد كولو په حاجت زور راوړو۔ ده ووئيل د ملګرو ملتونو د سلامتي كونسل د قراردادونو ښكاره خلاف ورزۍ كولو سره د متنازعه شخړو سټېس بدلولو له د هر يو غېر قانوني او يو اړخيزه ګام به مخالفت كول وي۔ داسې يو اړخيزه ګامونه امن او مرستې له د سيمه ايز چاپېرچل رامخې ته كولو اجتماعي مقصد په لاره كښې لوي خنډان دي۔ د دې به مزاحمت كول وي۔ د بشري حقونو او بنيادي آزادۍ تحفظ باوري كول زمونږ فرض دي۔ ده ووئيل زه د كونسل په غړو زور راوړم چې د پخوانو شخړو ځپلې اولس بنيادي انساني حقونو په منظم ډول خلاف ورزۍ دې محسوس كړي او د بنيادي بشري حقونو تحفظ دې باوري كړے شي۔ خارجه وزير ووئيل د پاكستان لخوا دا وړاندېز وركوم چې مونږ د 19 م سارك مشرانو كنفرنس اسلام آباد كښې كوربتوب كولو له چتو يؤ۔ ده ووئيل هيله لرم چې رامخې ته كړي مصنوعي خنډان به لرې كړې شي او د سيمې ايزې مرستې فعاله ذريعې د لارې به سارك د كار كولو جوګه كړے شي۔
