اسلام آباد ۔ 05 مارچ (اے پی پی) وفاقی کاٹن کمیٹی (ایف سی سی) دا اجلاس اج (سنوار کوں ) تھیسی ، جیندے اچ آندے سیزن 2017-18ءاچ کپاہ دی کاشت دے انتظامات اتے بئے کماں کاراں تے غور کیتا ویسی ۔ وزارت ٹیکسٹائل انڈسٹری اچ کاٹن کمشنر ڈاکٹر خالد عبداﷲ ”اے پی پی“ نال الیندے ہوئیں آکھیاں جو اجلاس اچ وزارت نیشنل فوڈ سیکورٹی، ٹیکسٹائل انڈسٹری، پلاننگ اینڈ ڈویلپمنٹ، فیڈرل سیڈ سرٹیفکیشن ڈیپارٹمنٹ، ارسا اتے زیڈ ٹی بی ایل دے حکام شرکت کریسن ۔ اجلاس اچ ارسا دے نمائندے پانڑیں دی صورتحال جڈانجو محکمہ موسمیات موسم دی صورتحال بارے بریفنگ ڈیسن ۔ انہاں ڈسایا جو اجلاس اچ صوبیاں اتے کساناں دے نمائندے وی شرکت کریسن ۔ کاشتکاراں کوں فصل دی حفاظت اتے پیداوار اچ ودھارے سانگے رہنمائی وی ڈتی ویند ی پئی ہے ۔
