اسلام آباد – 29 – مارچ (اي پي پي) پرڏيهي وزير بلاول ڀٽو زرداري سان يوڪرين جي لاءِ پاڪستان جي نامزد سفير ميجر جنرل (ر) نادر خان ملاقات ڪئي. پرڏيهي آفيس موجب پرڏيهي وزير نئين ذميوارين تي ميجر جنرل (ر) نادر خان جي لاءِ نيڪ خواهشن جو اظهار ڪيو. بلاول ڀٽو زرداري ان موقعي تي ڳالهائيندي چيو ته پاڪستان روس ۽ يوڪرين ٻنهي سان پنهنجي لاڳاپن کي اهميت ڏي ٿو. پرڏيهي وزير چيو ته پاڪستان امن جي حمايت ڪري ٿو ۽ مسئلي جو سفارتي حل چاهي ٿو.
